បើរំឭកកាលពីអំឡុងឆ្នាំជាង ២០០០ មហាជននិយមតាមដានទស្សនាកម្មវិធីនានារបស់ស្ថានីយ៍ទូរទស្សន៍ CTN ច្បាស់ជាបានស្គាល់ច្បាស់នូវកម្មវិធីប្រកួតសម្រស់ «ស្រីឆ្លាត ប្រុសឆ្លាត» ដែលមានការគាំទ្រយ៉ាងខ្លាំង។
ថ្មីៗនេះ អ្នកលេងបណ្តាញសង្គមហ្វេសប៊ុក បានបង្ហាញការចាប់អារម្មណ៍យ៉ាងខ្លាំងបន្ទាប់ពីបានឃើញម្ចាស់ជ័យលាភីលេខ ១ ផ្នែកបុរសកម្មវិធី «ស្រីឆ្លាត ប្រុសឆ្លាត» ឆ្នាំ ២០០៩ គឺលោក អោម ចែតច័ន្ទណារ៉ា បានបង្ហោះរូបភាពជាមួយនឹងអតីតតារាប្រុស ជុំ ស៊ីថា ម្ចាស់ជ័យលាភីលេខ ១ ផ្នែកបុរសកម្មវិធី «ស្រីឆ្លាត ប្រុសឆ្លាត» ឆ្នាំ ២០០៨។
ដោយឡែក ងាកទៅកាន់ម្ចាស់ជ័យលាភី ប្រុសឆ្លាត ឆ្នាំ ២០០៩ គឺលោក អោម ចែតច័ន្ទណារ៉ា ឯណោះវិញ អាចនឹងធ្វើឱ្យអ្នកគាំទ្រមួយចំនួនមិនសូវជាចាំមុខរបស់លោកប៉ុន្មាននោះទេ ដោយបច្ចុប្បន្ន បើទោះជាលោកមានវ័យកាន់តែកើន ហើយមុខប្លែកជាងពេលប្រឡងកាលពី ១៦ ឆ្នាំ មុនក្តី តែលោក អោម ចែតច័ន្ទណារ៉ា នៅតែស្រស់សង្ហា។
ម្យ៉ាងវិញទៀត បើងាកទៅមើលអាជីពបច្ចុប្បន្នរបស់លោកវិញនោះ គឺសព្វថ្ងៃលោក ជាអ្នកសារព័ត៌មានមួយរូប។ រីឯជីវិតគ្រួសារវិញ គឺលោកបានរៀបការ និង ទទួលបានចំណងដៃកូនប្រុស ២ នាក់ រួចហើយដែរ៕
