ហេតុការណ៍រញ្ជួយដីនៅក្រុងបាងកក ប្រទេសថៃ នារសៀលថ្ងៃទី ២៨ ខែមីនា ឆ្នាំ ២០២៥ នេះ នៅតែធ្វើឱ្យមហាជនថៃ និង ភ្ញៀវទេសចរបរទេស កំពុងមានការភិតភ័យនៅឡើយ ដោយក្នុងហេតុការណ៍ដ៏រន្ធត់នេះ ក៏មានបងប្អូនប្រជាពលរដ្ឋខ្មែរយើងមួយចំនួន បានស្ថិតនៅទីនោះផងដែរ។
ចៃដន្យមិនល្អ លោក ម៉ាដូណា សិល្បករកម្ពុជាយើងក៏កំពុងស្ថិតនៅប្រទេសថៃដូចគ្នា ដែលលោកបានទៅបំពេញការងារនៅទីនោះកាលពីប៉ុន្មានថ្ងៃមុន។ ដោយឡែក បន្ទាប់ពីមានហេតុការណ៍ដ៏កត់ស្លុតមួយនេះ បានវាយប្រហារក្រុងបាងកក ធ្វើឱ្យលោក ម៉ាដូណា ភិតភ័យចង់ត្រឡប់មកមាតុប្រទេសវិញខ្លាំង ប៉ុន្ដែលោកបានលើកឡើងថា ស្ថានភាពពេលនេះ សំបុត្រយន្តហោះក៏ពេញ ចំណែកឡានក៏ពេញដែរ។
ដោយអារម្មណ៍នៅតែភ័យខ្លាច ម៉ាដូណា ក៏បានសម្រេចចិត្តម៉ៅតាក់ស៊ីដើម្បីធ្វើដំណើតត្រលប់មកខ្មែរវិញ តែការម៉ៅតាក់ស៊ីភ្លាមៗនេះ លោកត្រូវចំណាយច្រើនណាស់។ ក្នុងនោះ ម៉ាដូណា បានលើកឡើងថា ៖ «ស្ទះខ្លាំងណាស់ យន្តហោះក៏ពេញ ឡានក៏ពេញ វគ្គម៉ៅតាក់ស៊ីចាក់-កខ្លាំង បាយបាយ បាងកក»៕
