កាលពីថ្ងៃទី ២០ ខែមេសា ឆ្នាំ ២០២៥ កន្លងទៅនេះ នៅប្រទេសថៃមានករណីស្រ្តីម្នាក់ចាប់បានថាប្តីលួចមានសហាយ ទាំងខ្លួនឯងកំពុងពពោះ ក៏កើតការខឹងសម្បាយ៉ាងខ្លាំង និងបានជ្រុលដៃប្រើអំពើហិង្សាទៅលើស្រីប្តីរហូតដល់បាត់បង់ជីវិត។
តាមព័ត៌មានបានឱ្យដឹងថា ប្តីរបស់ស្រ្តីរូបនេះបានបាត់ពីផ្ទះជាច្រើនថ្ងៃ ទើបនាងក៏បានតាមរក រហូតទៅឃើញក្នុងរីសតមួយកន្លែងនាម្តុំ Minburi ទីក្រុងបាងកក ជាមួយនឹងស្រីសហាយម្នាក់ ទើបធ្វើឱ្យនាងផ្ទុះកំហឹងជាខ្លាំង។ ក្នុងនោះ នាងក៏បានប្រើអំពើហិង្សាទៅលើនារីដែលជាស្រីរបស់ប្តី ដោយការទះតប់អូសចេញពីបន្ទប់រហូតមកដល់កន្លែង Check In របស់រីសត ដែលបណ្តាលឱ្យមានអាការៈរបួសធ្ងន់ធ្ងរជាខ្លាំង។
យ៉ាងណាមិញ នារីជាស្រីសហាយត្រូវបានគេបញ្ជូនទៅសង្រ្គោះនៅឯមន្ទីរពេទ្យដែរ តែជាអកុសលនាងក៏បានបាត់បង់ជីវិតនៅទីនោះ រីឯស្រ្តីជាប្រពន្ធក៏ត្រូវបានប៉ូលិសឃាត់ខ្លួន និង ចោទប្រកាន់ពីធ្វើបាបរាងកាយអ្នកដទៃរហូតដល់ស្លាប់ ព្រមទាំងរងចាំការកាត់ក្តីទៅតាមផ្លូវច្បាប់ជាធរមាន៕
ប្រភព៖ Khaosod
