នៅវេលាម៉ោង ២ និង ៥០ នាទីទៀបភ្លឺ ឈានចូលថ្ងៃទី ២៧ ខែសីហា ឆ្នាំ ២០២៥ នេះ នៅខេត្តឈៀងម៉ៃ ប្រទេសថៃ មានករណីដីបាក់រអិល បណ្តាលឱ្យខូចខាតផ្ទះប្រជាជនចំនួន ៥ ខ្នង បង្កឱ្យមនុស្ស ១០ នាក់រងរបួស និង ១ នាក់បានបាត់បង់ជីវិត។
ហេតុការណ៍ខាងលើនេះ បានកើតឡើងនៅភូមិប៉ាងអ៊ុង ឃុំម៉ែសឹក ស្រុកម៉ែចែម ខេត្តឈៀងម៉ៃ ដោយក្នុងនោះការបាក់ដីនេះបានលេបត្របាក់ផ្ទះប្រជាជនអស់ចំនួន ៥ ខ្នង និង បានបង្កឱ្យមនុស្ស ១០ នាក់បានរបួស និង ១ នាក់បានស្លាប់បាត់បង់ជីវិត និង ១ នាក់ទៀតបាត់ខ្លួននៅមិនទាន់រកឃើញនៅឡើយ។
យ៉ាងណាមិញ មកទល់ពេលនេះអាជ្ញាធរបានបញ្ជូនប្រជាជនដែលរងរបួស ទៅសម្រាកព្យាបាលនៅមន្ទីរពេទ្យ ហើយក៏បានទាក់ទងទៅក្រុមសង្គ្រោះឱ្យជួយតាមរកអ្នកបាត់ខ្លួន ព្រមទាំងជម្លៀសប្រជាជនផ្សេងៗចេញពីកន្លែងកើតហេតុផងដែរ៕
ប្រភព៖ Khaosod
