ជាការពិតណាស់ ក្រោយពីការប្រកួត Cambodian Idol រដូវកាលទី ៥ បានបញ្ចប់ និង រកឃើញម្ចាស់ពានតែ ១ រូប ក្តី ប៉ុន្តែបេក្ខភាពឆ្នើមជាច្រើនរូបនៅក្នុងការប្រកួតខាងលើ នៅតែទទួលបានការគាំទ្រយ៉ាងខ្លាំងពីសំណាក់មហាជន ជាពិសេសគឺ Top 10 តែម្ដង។
ក្នុងនោះ បើលើកយកកំលោះសង្ហា ដែលជាបេក្ខភាពឆ្នើម ៤ រូប រួមមាន លោក ថៃ នរៈបណ្ឌិត, លោក នួន បូរ៉ា, លោក ទិត សិរីវឌ្ឍនា និង លោក អ៊ុក មនោរិទ្ធ ក៏ហាក់នៅតែទទួលបានប្រជាប្រិយភាពខ្លាំង និង ទទួលបានទីផ្សារការងារជាបន្តបន្ទាប់។
ជាក់ស្តែង ថ្មីៗនេះ កំលោះសង្ហាទាំង ៤ បានធ្វើឱ្យអ្នកគាំទ្រភ្ញាក់ផ្អើល និង រំភើបចិត្តយ៉ាងខ្លាំង ខណៈលោក ថៃ នរៈបណ្ឌិត, លោក នួន បូរ៉ា, លោក ទិត សិរីវឌ្ឍនា និង លោក អ៊ុក មនោរិទ្ធ បានមកចាប់ដៃគ្នា បង្កើតជាក្រុមចម្រៀងថ្មីមួយមានឈ្មោះថា «The Four» ឬ «T4»។ ក្រោយពីបានប្រកាសពីក្រុមចម្រៀងថ្មីខាងលើនេះហើយ កំលោះសង្ហាទាំង ៤ បានធ្វើឱ្យអ្នកគាំទ្រអន្ទះសាចង់ឃើញនូវការសហការណ៍គ្នារបស់អ្នកទាំង ៤ យ៉ាងខ្លាំង៕
