នាពេលថ្មីៗនេះ រដ្ឋបាលខេត្តកំពង់ចាម បានជូនដំណឹងពីការរៀបចំបង្កើតព្រឹត្តិការណ៍ដាក់បង្ហាញលៀសហាលកំពង់ចាម ប្រវែង ១.០០០ ម៉ែត្រ លៀសចំនួន ៣ តោន នៅក្នុងខេត្តកំពង់ចាម។
កៀកនឹងថ្ងៃព្រឹត្តិ្កការណ៍លើកដំបូងនេះខិតជិតមកដល់ នៅថ្ងៃទី ១០ ខែមេសា ឆ្នាំ ២០២៥ នេះ ឯកឧត្តម អ៊ុន ចាន់ដា អភិបាលខេត្តកំពង់ចាម បានបញ្ជាក់ឱ្យបានដឹងថា ស្បោងក្រដាសខ្ខប់សំបកលៀសចំនួន ១០ ម៉ឺន បានរៀបចំរួចរាល់ហើយសម្រាប់ព្រឹត្តិការណ៍ខាងមុខ ក្នុងគោលបំណងចូលរួមមិនប្រើប្រាស់ប្លាស់ស្ទិក ដើម្បីភូមិឋាន និង ទីប្រជុំជនស្អាត។
សូមបញ្ជាក់ផងដែរថា ក្នុងព្រឹត្តិការណ៍នេះ រដ្ឋបាលខេត្តកំពង់ចាម បានបញ្ជាក់ពីទីតាំង និង ពេលវេលាឱ្យដឹងថា ព្រឹត្តិការណ៍ដាក់បង្ហាញលៀសហាលកំពង់ចាម ប្រវែង ១.០០០ ម៉ែត្រ ដែលមានលៀសចំនួន ៣ តោន នឹងធ្វើឡើងនៅខាងមុខសាលាខេត្ត រហូតដល់វេទិកាអុំទូកមាត់ទន្លេ ក្រុងកំពង់ចាម ដែលមានអនុញ្ញាតឱ្យបងប្អូនពូមីងបរិភោគដោយសេរី នៅថ្ងៃទី ១៥ ខែមេសា ដែលជាថ្ងៃទី ២ នៃសង្ក្រាន្តកំពង់ចាម ចាប់ផ្ដើមពីម៉ោង ១៤:៣០ នាទីរសៀលតទៅ៕
