នៅកូរ៉េ! បុរសវ័យ ៦៧ ឆ្នាំម្នាក់ ក្រពុលមុខរឿងចាញ់ក្តីលែងលះប្រពន្ធ ទៅចាក់សាំងដុ.តរថភ្លើងក្រោមដី បង្កចលាចលដល់អ្នកដំណើរជាង ១៦០ នាក់

កាលពីថ្ងៃទី ២៥ ខែមិថុនា ឆ្នាំ ២០២៥ កន្លងទៅ សារព័ត៌របស់កូរ៉េខាងត្បូងបានរាយការណ៍ឱ្យដឹងថា បន្ទាប់ពីមានការស្រាវជ្រាវស៊ើបអង្កេត ពេលនេះប៉ូលិសទីក្រុងសេអ៊ូលចាប់ខ្លួនបុរសម្នាក់ វ័យ ៦៧ ឆ្នាំ ដែលបានបង្កហេតុដុតរថភ្លើងក្រោមដី បណ្តាលឱ្យប៉ះពាល់ដល់អ្នកដំណើរ ១៦០ នាក់។

តាមព័ត៌មានបានឱ្យដឹងថា ហេតុការណ៍នេះបានកើតឡើងកាលពីថ្ងៃទី ៣១ ខែឧសភា ឆ្នាំ ២០២៥ កន្លងទៅ ខណៈដែលរថភ្លើងក្រោមដីកំពុងផ្លាស់ប្តូរពីស្ថានីយ៍ Yeouinaru ទៅកាន់ស្ថានីយ៍ Mapo នៅលើខ្សែទី ៥ បុរសរូបនេះ បានធ្វើចាក់សាំងនៅក្នុងរថភ្លើងលេខ ៤ ហើយក៏បានបញ្ឆេះដែកកេះដុត ដែលបណ្តាលឱ្យមានការឆាបឆេះសន្ធោសន្ធៅ បង្កឱ្យអ្នកដំណើរ ១៦០ នាក់នាំគ្នាចលាចលរត់ចែកជើងពេញស្ថានីយ៍ ដែលក្នុងនោះមានអ្នករបួសចំនួន ៦ នាក់។

យ៉ាងណាមិញ ចំណែកមូលហេតុនោះ គេបានឱ្យដឹងថាបុរសរូបនេះបានកើតការក្រពុលមុខមិនសុខចិត្ត ព្រោះតែបានចាញ់ក្តីលែងលះជាមួយប្រពន្ធ ទើបបានរៀបគម្រោងការបង្កហេតុដូចខាងលើ ដើម្បីទាក់ទាញអារម្មណ៍ពីសារធារណៈ។ ដោយឡែក ក្រោយពីត្រូវបានចាប់ខ្លួន តុលាការបានធ្វើការចោទប្រកាន់ទៅលើបុរសនេះភ្លាមៗពីបទប៉ុនប៉ងមនុស្សឃាត ការបង្កអគ្គិភ័យ និង ការបំពានសុវត្ថិភាពផ្លូវដែក៕

ប្រភព៖ Sanook