ថ្មីៗនេះ អ្នកលេងបណ្តាញសង្គមហ្វេសប៊ុក និង Tik Tok ច្បាស់ជាអូសមិនផុតឡើយនូវបទចម្រៀងសម្រាប់ឱកាសចូលឆ្នាំប្រពៃណីខ្មែរ ដែលបកស្រាយដោយអ្នកនាង សុគន្ធ និសា និង លោក រ៉ូលីន មានចំណងជើងថា «ចាក់ក្រឡេកទយ»។ ក្នុងនោះ បទកំពុងផ្ទុះនេះ គឺមានការនិពន្ធដោយអ្នកនិពន្ធល្បី លោក សោម ដូរ៉េ និង បានបញ្ចេញ MV រួចរាល់ហើយដែរ។
យ៉ាងណាមិញ ស្របពេលបទកំពុងផ្ទុះខ្លាំង មានការយកទៅរាំលេងកម្សាន្តបណ្តើរៗហើយនោះ ស្រាប់តែលោក សោម ដូរ៉េ បានបង្ហោះ Status មួយនៅលើគណនីហ្វេសប៊ុករបស់លោក ថាមានអ្នកបញ្ចេញមតិមិនល្អលើបទចម្រៀង និង ប្រើពាក្យអាក្រក់ ប្រមាថលោកទៀតផង។
Status នោះដែរ លោក សោម ដូរ៉េ រៀបរាប់ថា៖ «ខ្ញុំនិពន្ធចម្រៀងសម្រាប់រាំសប្បាយកម្សាន្ត! សូមកុំ Toxic នឹងអត្ថន័យ! បទអប់រំ ខ្ញុំនិពន្ធច្រើនណាស់! សូមកុំប្រើពាក្យអាក្រក់ៗប្រមាថខ្ញុំ! សូមមេត្តា Fake/Lock Profile ឈប់ Comment ឬផ្ញើ Spam មកខ្ញុំ!»៕
