នាំប្រពន្ធទៅដើរលេងកោះ ហៅនាងថតរូបជាមួយតែនាងមិនព្រម ក្ដៅចិត្តឆេវ ពួយច្រា.នប្រពន្ធទម្លាក់ពីលើច្រាំងថ្ម

មានករណីដ៏មិននឹកស្មានមួយ បានកើតឡើងនៅសហរដ្ឋអាមេរិក ដែលមានបុរសម្នាក់បានច្រានប្រពន្ធទម្លាក់ពីលើច្រាំងថ្ម ព្រោះតែខឹងនាងមិនព្រមថតរូបជាមួយ។

តាមព័ត៌មានបានឱ្យដឹងថា ហេតុការណ៍នេះបានកើតឡើងនៅថ្ងៃទី ២៤ ខែមីនា ឆ្នាំ ២០២៥ កន្លងទៅនៅកោះ Oahu សហរដ្ឋអាមេរិក។ ក្នុងនោះ បុរសជាប្តីមានឈ្មោះថា Gerhardt វ័យ ៤៦ ឆ្នាំមានអាជីពជាគ្រូពេទ្យ រី​ឯស្រ្តីជាប្រពន្ធឈ្មោះថា Arielle Konig វ័យ ៣៦ ឆ្នាំ ពួកគេបាននាំគ្នាទៅលេងនៅកន្លែងទេសចរណ៍ Pali Lookout ដែលនៅលើកោះខាងលើ។ យ៉ាងណាមិញ ក្រោយពី Arielle បានប្រកែកមិនព្រមថតរូបជាមួយ បុរសជាប្តីបានកើតការខឹងសម្បាជាខ្លាំង ហើយក៏បានច្រាននាងធ្លាក់ពីច្រាំងថ្ម ហើយនៅពេលដែលនាងព្យាយាមឡើងមកវិញ Gerhardt ក៏បានយកដុំថ្មទៅវាយក្បាលនាងយ៉ាងខ្លាំងជាច្រើនដង លើសពីនេះទៅទៀតគេបានយកម្ជុលទៅចាក់នាងថែមទៀតផង។

យ៉ាងណាមិញ ជាសំណាងល្អ Arielle ត្រូវបានអាជ្ញាធរទៅសង្រ្គោះទាន់ ដែលនាងមានរបួសយ៉ាងធ្ងន់ធ្ងរ ហើយក៏ត្រូវបានបញ្ជូនទៅសង្រ្គោះនៅមន្ទីរពេទ្យ។ ចំណែកឯបុរសជាប្តីក៏ត្រូវគេឃាត់ខ្លួនបាន និង បញ្ជូនទៅសាកសួរ ព្រមទាំងដំណើរការក្តីទៅតាមផ្លូវច្បាប់៕

ប្រភព៖ Sanook