បើគិតមកដល់ពេលនេះ រយៈពេលជាង ១ ឆ្នាំ មកហើយ ដែលលោក ជា សុជាតិ សមាជិកក្រុមចម្រៀង ក្មេងខ្មែរ បានបញ្ចប់ភាពនៅលីវ សាងគ្រួសាររៀបការនឹងអតីតអ្នកគ្រប់គ្រងរបស់លោក គឺអ្នកនាង លក្ស្មី។
ក្រោយរៀបការក្លាយជាប្តីប្រពន្ធហើយ លោក ជា សុជាតិ និង ភរិយា ក៏ទទួលបានចំណងដៃកូនប្រុសមួយរូបដ៏ស្រស់ស្អាតជាតំណក់ឈាមរបស់អ្នកទាំង ២ ដែរ ដោយប៉ាម៉ាវ័យក្មេងគូនេះ បានដាក់ឈ្មោះកូនយ៉ាងពីរោះថា ជា កម្ពុមុនិរាជ។
ដោយឡែកក្រឡេកមកមើលភរិយា លោក ជា សុជាតិ ឯណោះវិញ ក្រោយរៀបការរួចបើទោះជាធ្លាប់រងមតិរិះគន់មួយចំនួន លើរូបសម្រស់របស់នាងបន្តិចក្តី ប៉ុន្តែមិនយូរប៉ុន្មានអ្នកនាង លក្ម្សី ត្រូវបានមហាជនបានសរសើរ និង ពោលពាក្យច្រណែន ខណៈអ្នកនាង មានស្វាមីសង្ហា យកចិត្តទុកដាក់ និង ស្រឡាញ់នាងជានាង។
ជាក់ស្តែង ថ្មីៗនេះ អ្នកនាង លក្ម្សី បានធ្វើឱ្យអ្នកគាំទ្រលួចច្រណែន និង សរសើរពីសំណាងរបស់នាងជាថ្មីទៀតហើយ បន្ទាប់ពីអ្នកនាងបង្ហោះសំណេររៀបរាប់ពេលឈ្លោះគ្នានឹងស្វាមីម្តងៗ អ្នកនាងតែងទទួលបានពាក្យសុំទោសពីស្វាមីមុន។
ក្នុងនោះដែរ ភរិយា លោក ជា សុជាតិ បានរៀបរាប់ថា៖ «សំណួរដែលតែងតែទទួលបានគឺ «ឃើញបងស្វីតៗរហូតចឹង ដែលឈ្លោះគ្នាអត់?» ចានក្នុងរាវតែងតែប៉ះទង្គិច កាលពេលទម្ងន់ ១ ខែ ៣០ ថ្ងៃ ឈ្លោះគ្នា ២៩ ថ្ងៃហើយ។ ដល់ឥលូវក៏នៅតែឈ្លោះ គ្រាន់តែកាន់បន្ថយនៅសល់ ១-២ ថ្ងៃប៉ុណ្ណឹង! ដំណោះស្រាយពេលឈ្លោះគ្នានោះ គឺទោះបីជាឈ្លោះរឿងអីក៏ដោយ ប្តីតែងតែសុំទោសហើយលួងប្រពន្ធថើបប្រពន្ធទាល់តែប្រពន្ធបាត់ខឹង»៕
