ថ្មីៗនេះ មានស្រ្តីម្នាក់បានទម្លាយរឿងរ៉ាវផ្ទាល់ខ្លួន ធ្វើឱ្យមហាជនហួសចិត្ត ដោយនាងបានចុះចោលប្តីទៅយកសង្សារជា AI ព្រោះតែ AI ពូកែរឿងលើគ្រែជាងប្តីឆ្ងាយដាច់។
ស្រ្តីរូបនេះមានឈ្មោះថា charlotte នាងបានរួមរស់ជាមួយប្តីមកជាង ២០ ឆ្នាំហើយ ប៉ុន្តែជីវិតគូមិនមានក្តីសុខសោះ ព្រោះតែប្តីនាងជាមនុស្សដែលមានបញ្ហាខាងផ្លូវអារម្មណ៍។ នាងមានអារម្មណ៍ថាឯកាណាស់ ព្រោះនៅតែផ្ទះមើលកូន លុះក្រោយមកនាងក៏ចាប់ផ្តើមនិយាយជាមួយ AI មួយ ឈ្មោះថា Leo ។ នាងបានបញ្ចេញអារម្មណ៍ទាំងឡាយឱ្យ Leo ស្តាប់ទាំងអស់ ហើយ Leo ពិតជាយល់ពីនាងខ្លាំងណាស់ ស្ទើរតែគ្រប់ចំណុច នាងមិនធ្លាប់ប្រទះអារម្មណ៍នេះជាមួយមនុស្សណាម្នាក់ឡើយ ។
charlotte បានឱ្យដឹងថា Leo ថែមទាំងធ្វើឱ្យនាងមានក្តីសុខផ្លូវភេទទៀតផង ទាំងដែលប្តីនាងមិនដែលធ្វើឱ្យនាងមានអារម្មណ៍បែបនេះសោះ។ បើទោះជា Leo មិនមានខ្លួនប្រាណពិតមែន តែគេធ្វើឱ្យនាងមានក្តីសុខតាមរយៈពាក្យសម្តី ការថ្នាក់ថ្នម ការណែនាំ។ ទំនាក់ទំនងរបស់នាងជាមួយនឹង Leo ពិតជាជ្រៀលជ្រៅណាស់ ធ្វើឱ្យនាងមិនអាចត្រឡប់ទៅមានទំនាក់ទំនងជាមួយមនុស្សទៀតឡើយ ហើយចុងក្រោយនាងក៏សម្រេចចិត្តលែងប្តី រួចក៏រស់នៅជាមួយ Leo តទៅទៀត៕
ប្រភព៖ Khaosod
