នារីម្នាក់ត្រូវអ្នកជិតខាងផ្ញើសំបុត្រមកគំរាមផ្តា.ច់ជី-វិ-តឆ្កែសំណព្វ ព្រោះឆ្កែព្រូសរំខានទាំងយប់ថ្ងៃ ធ្វើឱ្យអ្នកម្ដុំនោះ ស្ត្រេសខ្លាំង

ថ្មីៗនេះ មានករណីមួយនៅប្រទេសថៃ ដែលនារីម្នាក់ត្រូវអ្នកជិតខាងសរសេរសំបុត្រមកគំរាមសម្លាប់ឆ្កែសំណព្វចិត្តរបស់នាង ដោយចោទថាឆ្កែនាងព្រូសរំខានទាំងយប់ទាំងថ្ងៃ។

នារីរូបនេះបានបង្ហាញក្រដាសអក្សរដែលអ្នកជិតខាងផ្ញើមក ដោយមានសេចក្តីថា សត្វឆ្កែរបស់នាងព្រូស និង លូទាំងយប់ទាំងថ្ងៃ ដែលបង្កឱ្យអ្នករស់នៅម្តុំនោះមានការរំខាន ស្ត្រេស និង ពិបាកក្នុងការប្រើប្រាស់ជីវិតប្រចាំថ្ងៃ។ គេបានសុំឱ្យនាងចាត់ការរឿងនេះឱ្យបានដាច់ខាត ព្រោះអ្នកនៅម្តុំនេះត្រូវការសម្រាក និង ភាពស្ងប់សុខ ហើយបើនាងដឹងឮរឿងនេះហើយ តែនៅតែមិនអើពើ ពួកគេនឹងរួមគ្នារកវិធីសម្លាប់ឆ្កែរបស់នាង ហើយសុំកុំថាពួកគេជាមនុស្សចិត្តអាក្រក់ឱ្យសោះ។

យ៉ាងណាមិញ នារីជាម្ចាស់អានហើយពិតជាមានការហួសចិត្តខ្លាំងណាស់ ហើយនាងក៏បានឱ្យដឹងថា ឆ្កែរបស់នាងពិតជាព្រូសពិតមែន តែព្រូសតិចតួច មិនបានព្រូសទាំងយប់ទាំងថ្ងៃដូចជាគេថាឡើយ។ ដោយឡែក មហាជនក៏បានឱ្យយោបល់ថា បើសិនជាប៉ះពាល់ដល់អ្នកដទៃពិតមែន គួរតែកែខៃឱ្យបានប្រញាប់ តែក៏មានអ្នកខ្លះក៏បានណែនាំឱ្យទៅដាក់ពាក្យបណ្តឹងសិន ព្រោះនេះគឺជាការគំរាមគួរឱ្យខ្លាច៕

ប្រភព៖ Khaosod