នៅរសៀលថ្ងៃទី ៦ ខែកុម្ភៈ ឆ្នាំ ២០២៥ នេះ តារាប្រុសពហុជំនាញ លោក ឈិត សុវណ្ណនិមិត្ត ហៅ Ting Tong បានបង្ហោះសារមួយ បង្ហាញពីសុខភាពរបស់នាដការបាំមួយរូប គឺកញ្ញា សាលី ស្រីមាស កំពុងសម្រាកព្យាបាលជំងឺខូចក្រលៀន។
ក្នុងនោះ លោក Ting Tong បានធ្វើការប្រកាសសុំជំនួយពីមហាជន ដើម្បីជួយដល់ នាដការបាំ សាលី ស្រីមាស ខណៈនាងកំពុងបន្តការព្យាបាលជំងឺខូចក្រលៀន ដោយត្រូវរ៉ាបរងចំណាយជាច្រើន ស្របពេលក្រុមគ្រួសាររបស់ សាលី ស្រីមាស អស់លទ្ធភាព និង កំពុងដាក់ប្រកាសលក់ផ្ទះផងនោះ។
លោក Ting Tong បានរៀបរាប់ថា៖ «Saly Sreymeas ជានារីរបាំម្នាក់ ដែលមានស្នាដៃល្អ និង ការសម្តែងខ្ពស់ ជាសិល្បករឆ្នើមម្នាក់សម្រាប់ប្រទេសកម្ពុជា។ ដោយសារក្រុមគ្រួសាគាត់អស់លទ្ធភាពសម្រាប់ព្យាបាលជំងឺ ឈ្មោះ សាលី ស្រីមាស អាយុ ២៥ ឆ្នាំ កំពុងជួបការលំបាកយ៉ាងខ្លាំងក្នុងជីវភាពរាល់ថ្ងៃ ព្រោះគាត់មានជំងឺខូចក្រលៀន ដោយត្រូវការចំណាយថវិកាជាច្រើនសម្រាប់ព្យាបាលបញ្ជូលឈាម និង លាងឈាមរៀងរាល់អាទិត្យ ដើម្បីបន្តជីវិតតទៅទៀត។ ពេលនេះគ្រួសាររបស់គាត់ ក៏បានរៀបចំដាក់ផ្ទះលក់បន្ទាន់ផងដែរ! ខ្ញុំបាទជំនួសមុខដល់អ្នកជំងឺ សូមពឹងផ្អែកលើទឹកចិត្តបងប្អូនសប្បុរសធម៌ សង្ឃឹមថាបងៗ នឹងអាចផ្ដល់ជំនួយតាមទឹកចិត្ត និង សិទ្ធាជ្រះថ្លា ដើម្បីទទួលបានថវិកាខ្លះសម្រាប់លាងឈាមឱ្យបានបន្តទៀតតាមដែលអាចធ្វើទៅបាន»៕
