ជីវិតហាយសូរបស់តារាស្រី Due Arisara ដែលមនុស្សជាច្រើនធ្លាប់ចង់បាន ពេលនេះបានក្លាយជាប្រធានបទដ៏ក្តៅគគុក ដោយតាមពិតនាងបានជាប់បំណុលគេជុំទិស ព្រោះតែចាយលុយមិនប្រមាណពីចំណូល ហើយមានរឿងជាច្រើនទៀតដែលនាងសាងមកអួតភ្នែកមហាជន ជាពិសេសគឺរឿងជីវិតហាយសូរនេះឯង។
ក្រោយពីមានស្រ្តីហាយសូរម្នាក់ បានចេញមកទម្លាយរឿងដែល Due បានយករបស់មានតម្លៃរបស់គេយកទៅបញ្ចាំ ហើយមិនប្រគល់ឱ្យវិញ ពេលនេះជីវិតរបស់ Due ក៏ត្រូវបានគេទម្លាយថែមទៀត។ ក្នុងនោះ Muddam ដែលជាពិធីករល្បីបានទម្លាយឱ្យដឹងថា Penthouse មានតម្លៃជាង ៧០០ លានបាត ឬជាង ២០ លានដុល្លារ ដែល Due ធ្លាប់ប្រាប់ថាស្វាមីជាអ្នកទិញឱ្យនោះ តាមពិតទៅនាងគ្រាន់តែជួលគេនៅទេ។ ម្ចាស់ពិតគឺជាជនជាតិចិន ដោយនាងបានជួលគេក្នុងមួយខែ ៨ សែនបាត រួមទាំងថ្លៃសេវាទឹកភ្លើងទាំងអស់ គឺមួយខែជាង ១ លានបាត ឬជិត ៣ ម៉ឺនដុល្លារ។
ចំណែករឿងឡានទំនើបវិញ ក៏មិនមែនជារបស់នាងដូចគ្នា។ នាងបានទៅប្រាប់ទៅអ្នកលក់ថាចង់ទិញឡាន តែសុំយកមកសាកបើកសិន រួចក៏យកមកធ្វើ Content ដូចជាឡានរបស់ខ្លួនឯង ហើយក៏យកទៅឱ្យអ្នកលក់វិញ ប្រាប់ថាមិនទិញឡើយ ដោយយកលេសថាឡានសំឡេងឮខ្លាំង ឬមិនល្អត្រង់ណាមួយជាដើម៕
ប្រភព៖ Kapook
