វ័យក្មេង សង្ហា ចំណេះដឹងខ្ពស់ ពូកែរកស៊ី នារីណាដែលថាមិនក្រាស់នោះ តែគួរឱ្យសោកស្តាយសម្រាប់អ្នកលួចក្រាស់ ថ្មីៗនេះ លោក គៀត សុវណ្ណព្រីនណា ដែលល្បីជាកូនភ្លោះសង្ហា និង ជាស្ថាបនិក Kampuchea Digital Marketing Ventures ឬគ្រប់គ្នាច្រើនស្គាល់អក្សរកាត់ KDMV បានសម្រេចចិត្តបញ្ចប់ភាពនៅលីវ ដោយភ្ជាប់ពាក្យតាមប្រពៃណីជាមួយគូស្នេហ៍បាត់ទៅហើយ។
ជាការពិតណាស់ កម្មវិធីភ្ជាប់ពាក្យរបស់ លោក សុវណ្ណព្រីនណា ទើបបានធ្វើឡើងកាលពីថ្ងៃទី ១៦ ខែ កុម្ភៈ ឆ្នាំ ២០២៥ នេះ។ គូដណ្តឹងរបស់លោក មាននាម សិរី ប៉ូលីដែត។ ឃើញថាកម្មវិធីធ្វើឡើងជាលក្ខណៈគ្រួសារ និង មានការរៀបចំយ៉ាងស្រស់ស្អាតប្រណីត។
គួរឱ្យដឹងដែរថា លោក គៀត សុវណ្ណព្រីនណា មានវ័យទើបតែ ២៤ ឆ្នាំ លោកមានឈ្មោះហៅក្រៅ Napple។ លោកបានបញ្ចប់ការសិក្សាផ្នែកសំណង់ស៊ីវិល នៅមហាវិទ្យាល័យ Long Beach City Collage និង បញ្ចប់ថ្នាក់បរិញ្ញាបត្រផ្នែក វិស្វកម្មមេកានិកពីសាកលវិទ្យាល័យ California State University Long Beach នៅសហរដ្ឋអាមេរិក។ បច្ចុប្បន្ន លោកក៏ជាស្ថាបនិកនៃ CamboKicks ដែលធ្វើជំនួញទៅលើស្បែកជើង កំពុងមានទីផ្សារជួរមុខខាងស្បែកជើងប៉ាតានៅកម្ពុជា៕
