បើគិតមកដល់ពេលនេះ រយៈពេលប្រមាណ ១៦ ឆ្នាំ មកហើយ នៃដំណើរសិល្បៈរបស់រាជិនីក្រមា កញ្ញា មាន សូនីតា បន្ទាន់ពីនាងបានចូលរួមប្រកួតកម្មវិធីសម្រស់ Freshie Boy&Girl ជំនាន់ទី ៨ កាលពីឆ្នាំ ២០០៩។
កញ្ញា មាន សូនីតា គឺជាតារាស្រីមួយរូប ដែលដុះពន្លកលើវិថីសិល្បៈ បន្ទាប់ពីការប្រកួតខាងលើ ដោយកាលនោះ កញ្ញា មាន សូនីតា ជាប់ចំណាត់ថ្នាក់លំដាប់រងទី ៣។
ជាការពិត បើទោះជាកាលពី ១៦ ឆ្នាំ មុន កញ្ញា មាន សូនីតា ជាប់ត្រឹមលំដាប់រងទី ៣ ក្នុងវិស័យប្រកួតសម្រស់ក៏ពិតមែន ប៉ុន្តែបច្ចុប្បន្ន រាជិនីក្រមារូបនេះ បានឈរឈ្មោះជាលំដាប់តារាស្រី ដែលមានភាពល្បីល្បាញខ្លាំង។ ក្នុងនោះ មិនត្រឹមតែបង្ហាញខ្លួនក្នុងទីផ្សារការងារក្នុងប្រទេសនោះទេ កញ្ញា មាន សូនីតា ក៏មានវត្តមានលើឆាកអន្តរជាតិជាច្រើនមកហើយដែរ។
បច្ចុប្បន្ន តារាស្រីរូបនេះ មិនត្រឹមតែមមាញឹកក្នុងការងារសិល្បៈ និង ទទួលបានការងារជាទូតសុឆន្ទៈរបស់បណ្តាក្រុមហ៊ុនជាច្រើននោះទេ កញ្ញា មាន សូនីតា ក៏មានមុខជំនួញក្នុងដៃជាច្រើនដូចគ្នា៕
