ធ្លាប់តែទៅណាទាំងត្រសង ឥលូវប៉ាៗវ័យក្មេង ណារ៉ូ រអ៊ូថាមិនទម្លាប់ ពេលប្រពន្ធជិតគ្រប់ខែដើរហើរទៅណាជាមួយគ្នាមិនបានដូចមុន

ធ្មេចបើកៗ មិនយូរទៀតទេ Influencer ល្បីឈ្មោះ មានប្រជាប្រិយ អ្នកនាង លីនដា នឹងបានឃើញមុខទាយាទដំបូងនៃចំណងអាពាហ៍ពិពាហ៍រវាងនាង និង ស្វាមី គឺលោក ណារ៉ូ ហើយ ក្រោយពីបានរៀបការក្លាយជាប្តីប្រពន្ធកាលពីថ្ងៃទី ១៩ ខែមករា ឆ្នាំ ២០២៥ កន្លងទៅ។

ក្នុងនោះដែរ បើតាមរយៈវីដេអូមួយ អ្នកនាង លីនដា បានបង្ហោះកាលពីអំឡុងថ្ងៃទី ២៣ ខែមីនា ឆ្នាំ ២០២៥ កន្លងទៅ បានឱ្យដឹងថា កូនក្នុងផ្ទៃរបស់អ្នកនាងមានអាយុ ៣២ សប្តាហ៍ហើយ។

យ៉ាងណាមិញ ក្រឡេកមកមើលការងារឯណោះវិញ ក្រោយពីកាន់តែកៀកថ្ងៃសម្រាល អ្នកនាង លីនដា ក៏មិនសូវដើរហើរទៅណាដែរ ដោយក្នុងនោះ គេបានឃើញតែស្វាមីរបស់អ្នកនាង គឺលោក ណារ៉ូ ចេញទៅបំពេញការងារ និង ចូលរួមកម្មវិធីកម្សាន្តនានា ដែលមានការអញ្ជើញពីបណ្តាក្រុមហ៊ុននានាប៉ុណ្ណោះ។

ជាក់ស្តែង ដូចអ្នកគាំទ្រដឹងហើយថា គូស្វាមីភរិយារបស់អ្នកនាង លីនដា និង លោក ណារ៉ូ គឺទៅណាទៅទាំងសង កម្របាត់ភាគីណាម្នាក់ណាស់ ប៉ុន្តែថ្មីៗនេះ ស្រាប់តែខាងប្រុសចេញទៅចូលរួមកម្មវិធីម្នាក់ឯង និង បង្ហោះសារថា៖ «ដូចមិនទម្លាប់ ទៅណាតែឯង»។ ឃើញសារនោះហើយ អ្នកគាំទ្រចូលទៅខមមិន ចំអន់ប៉ាៗវ័យក្មេង និង ច្រណែនដល់គូស្វាមីភរិយាគូនេះ ថាស្វីតខ្លាំង បាត់មុខគ្នាមិនបានសោះ៕