ធ្លាប់តែចិត្តធ្ងន់ ស្ងប់ស្ងាត់! លើកនេះ ហ៊ិន ចាន់នីរ័ត្ន បង្ហោះសារមានបង្កប់អត្ថន័យប្លែក ដូចចង់សំដៅលើនរណាម្នាក់

ធ្មេចបើកៗ រយៈពេលជិត ២ ខែហើយ ដែលពិធីការិនី ហ៊ិន ចាន់នីរ័ត្ន និង ស្វាមី បានឃើញមុខកូនប្រុសដែលជាចំណងដៃអាពាហ៍ពិពាហ៍ ក្រោយរង់ចាំអស់រយៈពេលជាច្រើនខែ។ ក្នុងនោះ កូនប្រុសបណ្តូលចិត្តរបស់ អ្នកនាង ហ៊ិន ចាន់នីរ័ត្ន ត្រូវបានប៉ាម៉ាក់ ដាក់ឈ្មោះឱ្យយ៉ាងពីរោះថា ឌី ពេជ្ររ័ត្នបញ្ញាបុត្រ។

ងាកមកកាន់អ្នកម៉ាក់ថ្មីថ្មោង ហ៊ិន ចាន់និរ័ត្ន ឯណោះវិញ ក្រោយសម្រាលកូនបានជាង ២ ខែ ហើយនោះ អ្នកនាង ក៏មិនទាន់បានវិលត្រឡប់មកកាន់សិល្បៈវិញដែរ ខណៈរូបសម្រស់របស់អ្នកម៉ាក់សរសៃខ្ចីរូបនេះ បានវិលមកស្រស់ស្អាតជាងកាលមិនទាន់ពពោះទៅទៀត។

យ៉ាងណាមិញ អ្វីដែលកំពុងធ្វើឱ្យមហាជនកំពុងចាប់អារម្មណ៍នឹង អ្នកនាង ហ៊ិន ចាន់និរ័ត្ន នាពេលនេះ បន្ទាប់ពីអ្នកនាង បានបង្ហោះរូបភាពប៉ុន្មានសន្លឹកអមនឹងសារមួយ ហាក់ដូចជាបង្ហាញពីអារម្មណ៍របស់អ្នកនាង ខុសប្លែកពីសព្វមួយដង ដោយអ្នកនាងត្រូវបានគេចាត់ទុកថាជាតារាស្រីម្នាក់ ដែលពុំសូវបង្ហាញអារម្មណ៍ drama លើបណ្តាញសង្គមនានាឡើយ។ ក្នុងនោះ សារខ្លីមួយ តែទទួលបានការចាប់អារម្មណ៍ពីអ្នកគាំទ្រ អ្នកនាង ហ៊ិន ចាន់និរ័ត្ន បានរៀបរាប់ថា៖ «បើគេបម្រុងនឹងមិនចូលចិត្តយើងហើយ ធ្វើម៉េចក៏មិនត្រូវចិត្តដែរ»៕