មហាជននិយមតាមដានជីវិតរបស់តារាចម្រៀងរៀមច្បង អ្នកនាង យក់ ថិតរដ្ឋា ច្បាស់ជាបានជ្រាបមកហើយ នូវរឿងរ៉ាវឯកជនខ្លះៗរបស់អ្នកនាង ជាពិសេសនោះ ពាក់ព័ន្ធនឹងការប្តូរឈ្មោះក្រៅរបស់អ្នកនាង កាលពីពេលកន្លងមក។
ក្នុងនោះដែរ អ្នកគាំទ្រ និង មិត្តភក្តិរបស់អ្នកនាង យក់ ថិតរដ្ឋា ច្បាស់ជាបានជ្រាបហើយថា ឈ្មោះហៅក្រៅរបស់អ្នកនាងតាំងពីកំណើតមកគឺ «អាស្រស់» ប៉ុន្តែប៉ុន្មានឆ្នាំមុន អ្នកនាង យក់ ថិតរដ្ឋា ក៏បានប្រកាសប្តូរឈ្មោះហៅក្រៅនេះចេញ និង បានដាក់ឈ្មោះហៅក្រៅសម្រាប់ខ្លួនឯងថា «នីននីន»។
ជាការពិត ក្រោយប្តូរឈ្មោះហៅក្រៅពី «អាស្រស់» ទៅជា «នីននីន» វិញនោះ អ្នកគាំទ្រក៏បានសង្កេតឃើញថា អ្នកនាង យក់ ថិតរដ្ឋា ហាក់កាន់តែរីកចម្រើនឡើងទៅតាមហុងស៊ុយ មិនថាតែទីផ្សារការងារសិល្បៈប៉ុណ្ណោះទេ សូម្បីតែរូបសម្រស់ក្រោយកែកុនក៏កាន់តែស្រស់សោភាទៀតផង។
ម្យ៉ាងវិញទៀត ថ្មីៗនេះ អ្នកនាង យក់ ឋិតរដ្ឋា បានបញ្ជាក់ពីអត្តចរិតថ្មីរបស់ខ្លួន ក្រោយប្តូរឈ្មោះថ្មីនៅលើគណនីហ្វេសប៊ុកថា ៖ «Nin Nin ខុសពី រដ្ឋា និង អាស្រស់ នីន មិនស្លូតពេកហើយក៏កាចដោយពេល និង ដោយទង្វើមនុស្ស ដែលគេបានធ្វើមកលើយើងមុនតែប៉ុណ្ណោះ បើអ្នកឯង friendly ok me friendly តែបើអ្នកឯងឈ្លើយ ចរិត fake មិនឱ្យតម្លៃគេ ចូលចិត្តណាស់តែអាខាងមើលងាយក្តីស្រលាញ់របស់គេ ដែលបានឱ្យទៅកាន់អ្នកឯងទាំងពេលវេលា និង កម្លាំងកាយ និង ចិត្ត នីន សុំអត់ចាំសងពេលក្រោយទេណា គឺសងវិញភ្លាមៗ អត់ចាំជាតិក្រោយទេ។
មនុស្សខ្ញុំមិនចូលចិត្តបោះបង់គេមុនទេ! មនុស្សយើងតែស្រួលដាក់គេ គេស្រួលដាក់វិញហើយ តែបើ fake ដាក់គេហើយគេសងវិញហើយ ហើយកុំថាគេអាក្រក់។ ខ្ញុំនិយាយតែចំពោះមនុស្សខ្លះទេបងអូន ដើម្បីឱ្យបានធូរចិត្តហ្នឹងណាបងអូន ព្រោះជួបច្រើនពេកទៅជាសុំាទៅហើយ ទោះជួបទៀតក៏មិនអីដែរ! រៀងវែងបន្តិចហើយបងអូន!»៕
