ចាប់ពីយប់រំលងអធ្រាត្រវេលាម៉ោង ១២ ចូលថ្ងៃទី ១៣ ខែមិថុនា ឆ្នាំ ២០២៥ ក្រុមហ៊ុនបណ្ដាញខ្សែកាបអុបទិក ឬ ប្រតិបត្តិករអ៊ីនធឺណិតទាំងអស់នៅកម្ពុជា បានបញ្ចប់ការទិញអ៊ីនធឺណិត (Internet Bandwidth) ពីប្រទេសថៃរួចរាល់ហើយ ដោយសារយើងមានសមត្ថភាពផ្គត់ផ្គង់សេវាអ៊ីនធឺណិតគ្រប់គ្រាន់ដោយខ្លួនឯង។
ក្នុងនោះដែរ រដ្ឋមន្ត្រីក្រសួងប្រៃសណីយ៍ និង ទូរគមនាគមន៍ ក៏បានជម្រាប់ជូននសាធារណជនទាំងអស់មេត្តាជ្រាបថា ដោយសារការគំរាមកំហែងរបស់ភាគីថៃក្នុងការកាត់ផ្ដាច់ការផ្គត់ផ្គង់សេវាអ៊ីនធឺណិតដល់កម្ពុជា ប្រតិបត្តិករទូរគមនាគមន៍ទាំងអស់របស់កម្ពុជា បានឈប់ប្រើប្រាស់ប្រភពអ៊ីនធឺណិតពីប្រទេសថៃ ដែលនឹងធ្វើឱ្យប្រទេសថៃអាចខាតបង់ចំណូលរាប់រយលានដុល្លារ។ លទ្ធផលនេះ គឺកើតឡើងដោយសារការគំរាមកំហែងរបស់ភាគីថៃមកលើកម្ពុជា។ ថៃជាអ្នកថា តែកម្ពុជាជាអ្នកធ្វើមែន។
យ៉ាងណាមិញ ក្រោយពីបានក្រុមហ៊ុនបណ្ដាញខ្សែកាបអុបទិក ឬ ប្រតិបត្តិករអ៊ីនធឺណិតទាំងអស់នៅកម្ពុជា បានបញ្ចប់ការទិញអ៊ីនធឺណិត (Internet Bandwidth) ពីប្រទេសថៃរួចរាល់ហើយនោះ ក្រុមហ៊ុនទូរស័ព្ទធំៗចំនួន ២ រួមមាន CellCard និង Smart ក៏បានចេញសេចក្តីជូនដំណឹងពីការរអាក់រអួលនឹងប្រព័ន្ធអ៊ីនធឺណិត ខណៈកម្ពុជាកំពុងដំណើរការនៃការផ្លាស់ប្តូរទៅប្រើបណ្តាញ IP Transit ថ្មី ដែលមានសុវត្ថិភាព និង ឯករាជ្យភាពជាតិកាន់តែខ្ពស់។
សូមអានសេចក្តីជូនដំណឹងខាងក្រោម៖
