ទំនេរៗ បបួលមិត្តភក្ដិដើរបា-ញ់សត្វព្រៃ ស្រាប់តែច្រឡំគ្នាឯងជាសត្វស្វា លេងចាញ់ស្លា./ប់ម្នាក់នៅនឹងកន្លែង

កាលពីថ្ងៃទី ១៥ ខែមីនា ឆ្នាំ ២០២៥ កន្លងទៅនេះ មានករណីមួយនៅប្រទេសថៃ ដែលបុរសម្នាក់បានបាញ់សម្លាប់មិត្តខ្លួនឯង ព្រោះច្រឡំថាជាសត្វព្រៃ ខណៈចូលព្រៃទៅបរបាញ់សត្វជាមួយគ្នា។

ហេតុការណ៍មួយនេះ បានកើតឡើងនៅតំបន់បរបាញ់សត្វនាព្រៃភ្នំ Khao Nang ស្រុក Lang Suan ខេត្ត Chumphon ដោយព័ត៌មានបានឱ្យដឹងថា បុរសទាំងពីរនាក់នេះជាមិត្តនឹងគ្នា ហើយបានបបួលគ្នាទៅបាញ់សត្វលេងនៅតំបន់ខាងលើនេះ។ ក្នុងនោះ ដោយច្រឡំស្មានថាជាសត្វស្វា បុរសជនបង្កបានបាញ់បុរសជាជនរងគ្រោះចំនួន ១ គ្រាប់ ដែលបង្កឱ្យស្លាប់នៅនឹងកន្លែងតែម្តង។ ក្រោយមក បុរសជនបង្កក៏បានចេញពីក្នុងព្រៃមកសារភាពដល់ប៉ូលិសអាជ្ញាធរ ហើយក៏បាននាំទៅកាន់កន្លែងកើតហេតុ ព្រមទាំងប្រគល់កាំភ្លើងជាភស្តុតាង ដើម្បីឱ្យអាជ្ញាធរដំណើការក្តីទៅតាមផ្លូវច្បាប់។

យ៉ាងណាមិញ ខាងអាជ្ញាធរបាននាំអ្ន​កភូមិនអ្នកស្រុកជិត ២០ នាក់ ដើម្បីទៅនាំសាកសពរបស់ជនរងគ្រោះចេញពីព្រៃមកវិញ ដោយសារតែផ្លូវធ្វើដំណើរទៅកាន់តំបន់នោះមានការពិបាកជាខ្លាំង ហើយចុងក្រោយគេប្រើវេលាអស់ប្រហែលជាង ៥ ម៉ោងឯណោះ ទម្រាំតែយកសពរបស់ជនរងគ្រោះចេញមកវិញបាន៕

ប្រភព៖ AMARINTV