ថ្ងៃសម្រាកពីការងារ ក្រៅពីធ្វើដំណើរកម្សាន្ត ការអានសៀវភៅក៏ជាជម្រើសដ៏ល្អបំផុតមួយ ក្នុងការដោះស្រាយនូវរឿងរ៉ាវដែលស្មុគស្មាញដោះស្រាយមិនចេញ ដ្បិតថាវាមិនបានរំសាយភាពស្ត្រេសទាំងស្រុង ក៏ប៉ុន្តែវាពិតជាបាននាំអារម្មណ៍លោកអ្នកទៅកាន់ពិភពនៃការស្រមើស្រមៃថ្មីមួយ តាមរបត់បន្ទាត់ឥតព្រំដែននៃរូបារម្មណ៍របស់អ្នកនិពន្ធ ដែលយើងនឹកស្មានមិនដល់។
ដូច្នេះហើយ ក្នុងឱកាសទំនេរ លោកអ្នកគួរតែឆ្លៀតពេលវេលានាំមនុស្សជាទីស្រឡាញ់ ក៏ដូចជាមិត្តយល់ចិត្តទៅទិញសៀវភៅដើម្បីអាន និង ថតរូបលេងបង្កើតអនុស្សាវរីយ៍ ខណៈលោកអ្នកអាចទៅទីតាំងហាងសៀវភៅចំនួន ២ ទីតាំង ដែលជាហាងរបស់អ្នកនិពន្ធផ្ទាល់តែម្ដង ដែលនៅទីនោះមានឈ្មោះថា ៖ «វណ្ណសៀវភៅ»។
«វណ្ណសៀវភៅ» គឺជាហាងសៀវភៅដែលបង្កើតឡើងចេញពីក្ដីស្រឡាញ់ របស់អ្នកនិពន្ធវ័យក្មេងដ៏មានទេពកោសល្យ គង់ ច័ន្ទវ៉ាន់ណេង ឬ គេស្គាល់ថា សេន គីមណេង ជាម្ចាស់ស្នាដៃប្រលោមលោក «ពាក្យថាស្រឡាញ់» «បេះដូងមួយនេះ» ឬ «សួស្ដីសមុទ្រ»។
បច្ចុប្បន្ន វណ្ណសៀវភៅ មាន ២ ទីតាំង ដែលលោកអ្នកអាចទៅទិញផ្ទាល់ៗ និង មានឱកាសអាចជួបអ្នកនិពន្ធបាន ដែលមានដូចខាងក្រោម ៖
១. សាខាទី ១៖ ផ្ទះលេខ ៣៥៨ ភូមិទឹកថ្លា សង្កាត់ទឹកថ្លា ខណ្ឌសែនសុខ ភ្នំពេញ (ក្រោយវិទ្យាល័យ ហ៊ុន សែន បូរី ១០០ ខ្នង និង សាលាប៊ែលធីអន្តរជាតិសាខាដីហុយ)
ផែនទី៖ https://maps.app.goo.gl/qoL92oDi8ELJ2YUu9
២. សាខាទី ២ ៖ Sumeru Project ផ្លូវបុរីអង្គរ សង្កាត់ឃ្មួញ ខណ្ឌសែនសុខ (ជាប់ហ្គ្រេនភ្នំពេញ និង ជិតក្រសួងដែនដី)
ផែនទី៖ https://maps.app.goo.gl/DQmGC4Qm1tEoNd9J9?g_st=ic ៕
