ស្មោកគ្រោក! បុរសចិនម្នាក់ហូបស៊ុបនៅហាងគេរួច បែកគំនិតឡើងនោមដាក់ឆ្នាំងស៊ុប ចុងក្រោយស្ពៃរបស់ម្ចាស់ហាង

ថ្មីៗនេះ សារព័ត៌មាន Mothership បានរាយការណ៍ពីករណីដែលមានបុរសជនជាតិចិនម្នាក់ ឡើងនោមដាក់ឆ្នាំងស៊ុបនៅក្នុងហាងមួយ ដែលបង្កឱ្យមានការចែកចាយពេញបណ្តាញសង្គម រហូតខាងហាងទ្រាំមិនបានចេញមុខរករឿងបុរសនេះតាមផ្លូវច្បាប់។

តាមព័ត៌មានបានឱ្យដឹងថា ករណីមួយនេះបានកើតឡើងនៅក្នុងហាងស៊ុបល្បីមួយឈ្មោះថា Haidilao នៅប្រទេសចិន ដោយវីដេអូបានបង្ហាញឱ្យឃើញពីបុរសម្នាក់ដែលស្លៀកខោពណ៌ខ្មៅ ហើយឡើងលើតុអាហាររួចក៏បាញ់នោមដាក់ទៅក្នុងឆ្នាំងស៊ុបយ៉ាងគួរឱ្យខ្ពើម រីឯអ្នកនៅជុំវិញបែរជានាំគ្នាអស់សំណើចជាមួយនឹងអាកប្បកិរិយាមិនគួរឱ្យគប្បីមួយនេះទៅវិញ។

យ៉ាងណាមិញ ក្រោយពីវីដេអូត្រូវបានគេចែកចាយពេញបណ្តាញសង្គម ពេលនេះខាងហាងបានចេញមុខថាខ្លួននឹងដោះស្រាយរឿងនេះទៅតាមផ្លូវច្បាប់ ដោយមិនខ្វល់ថានេះជាការសម្តែង ឬក៏ពិតមែនយ៉ាងណាទេ។ ខាងហាងនឹងប្រគល់វីដេអូក្នុងកាមេរ៉ាសុវត្ថិភាពទៅខាងអាជ្ញាធរ និង រួមដៃជាមួយអាជ្ញាធរឱ្យនាំខ្លួនបុរសបង្កហេតុខាងលើនេះមកដាក់ទោសតាមផ្លូវច្បាប់ឱ្យខាងតែបាន៕

ប្រភព៖ Kapook