ខំទៅវត្តធ្វើបុណ្យបូជាលុយចូលធុងបរិច្ចាគ ស៊យអីរបូតធ្លាក់ទូរស័ព្ទរចូលដែរ ចង់យកវិញអាចារ្យថាមិនបានទេជាទ្រព្យរបស់ព្រះហើយ

នេះជាករណីដ៏អស់សំណើចហួសចិត្តមួយបានកើតឡើងនៅប្រទេសឥណ្ឌា ដែលមានបុរសម្នាក់បានទៅវត្ត ហើយច្រឡំធ្វើទូរស័ព្ទធ្លាក់ចូលក្នុងធុងបរិច្ចាគ ចង់បានទូរស័ព្ទមកវិញ តែខាងវត្តមិនព្រមយកឱ្យ ដោយអះអាងថាក្លាយជាទ្រព្យសម្បត្តិរបស់ព្រះហើយ។

តាមព័ត៌មានបានឱ្យដឹងថា រឿងរ៉ាវមួយនេះបានកើតឡើងនៅក្នុងវត្តមួយកន្លែងក្នុងតំបន់ Thiruporur នារដ្ឋ Tamil Nadu ភាគខាងត្បូងប្រទេសឥណ្ឌា ដោយបុរសខាងលើនោះបានយកលុយទៅញាត់ធុងបរិច្ចាគនៅក្នុងវត្ត ចៃដន្យអីក៏បានធ្វើឱ្យទូរស័ព្ទរបស់ខ្លួនធ្លាក់ចូលទៅក្នុងធុងនោះជាមួយគ្នាដែរ។

យ៉ាងណាមិញ បុរសរូបនេះបានទាក់ទងសុំឱ្យខាងវត្តជួយយកទូរស័ព្ទមកឱ្យវិញ តែខាងវត្តបានបដិសេធ ដោយបានអះអាងថាវាបានក្លាយទៅជាទ្រព្យសម្បត្តិរបស់ព្រះទៅហើយ ដោយអនុញ្ញាតិឱ្យតែបុរសនេះចម្លងព័ត៌មានខ្លះៗពីទូរស័ព្ទទុកប៉ុណ្ណោះ។ ដោយឡែក ខាងក្រសួងសាសនាបានចេញមុខមកគាំទ្រទង្វើរបស់វត្ត ដោយយោងតាមច្បាប់ Hundial Rules ដែលចែងថា វត្ថុណាមួយដែលចូលទៅក្នុងទូបរិច្ចាគហើយ គឺក្លាយជាទ្រព្យរបស់ព្រះ មិនអនុញ្ញាតិឱ្យខាងវត្តប្រគល់ឱ្យទៅម្ចាស់វិញទេ៕

ប្រភព៖ Khaosod