កាលពីថ្ងៃទី ៣ ខែកុម្ភៈ ឆ្នាំ ២០២៥ កន្លងទៅ មានករណីដ៏គួរឱ្យហួសចិត្តមួយនៅប្រទេសថៃ ដែលយុវជនម្នាក់ដើរទៅទិញតែគុជផឹក តែជំពប់កាំជណ្តើរភ្លាត់មាត់ជេរបន្តិច ស្រាប់តែក្មេងស្ទាវនៅក្បែរនោះឮ នាំគ្នាមកធ្វើបាបឡើងទ្រោមខ្លួន។
តាមព័ត៌មានបានឱ្យដឹងថា យុវជនខាងលើនេះមានវ័យ ១៨ ឆ្នាំ ហើយនៅថ្ងៃកើតហេតុគេបានដើរទិញតែគុជផឹកនៅហាងមួយកន្លែង តែចៃដន្យក៏បានដើរជំពប់ជាមួយកាំជណ្តើរ និងភ្លាត់មាត់ជេរមួយម៉ាត់ ស្រាប់តែក្មេងស្ទាវប្រមាណជា ៤ នាក់នៅក្បែរនោះឮ ក៏បានកើតការមិនពេញចិត្ត រួចក៏មករោមវាយបុរសខាងលើ ហើយក៏រត់គេចខ្លួនបាត់ទៅ។
យ៉ាងណាមិញ ក្រោយពេលកើតហេតុ យុវជនរូបនេះត្រូវបានបញ្ជូនទៅមន្ទីរពេទ្យដើម្បីត្រួតពិនិត្យរាងកាយ និងផ្តល់ដំណឹងដល់អាណាព្យាបាល។ ដោយឡែក ខាងអាជ្ញាធរកំពុងតែធ្វើការស្រាវជ្រាវរកមុខសញ្ញាក្មេងស្ទាវដែលបង្កហេតុ ដើម្បីនាំមកចាត់ការតាមផ្លូវច្បាប់ផងដែរ៕
ប្រភព៖ Khaosod
