ទៅទាំងប៉ីទៅទាំងទ្រ! ទូរទស្សន៍ថៃប៉ុស្តិ៍លេខ ៨ មិនសុខចិត្តចេញសម្ភាសអាជីវកម្មអ្នកលក់-ជួលឈុតថៃ ទាមទារខ្មែរដាក់ក្រេឌីតឱ្យឈុតថៃ

ថ្មីៗនេះ នៅក្នុងប្រទេសថៃ បានកើតក្ដីក្តៅក្រហាយមិនសុខចិត្តជាថ្មី ដោយថៃបានចោទថាកម្ពុជាបន្លំយកឈុតថៃទៅចុះជាបញ្ជីបេតិកភណ្ឌពិភពលោកក្នុងអង្គការ UNESCO រួមជាមួយនឹងពិធីរៀបអាពាហ៍ពិពាហ៍នៅឆ្នាំ ២០២៦ ខាងមុខ។

ស្របគ្នានេះដែរ ទូរទស្សន៍ប៉ុស្តិ៍លេខ ៨ ថៃ ក៏បានផ្សព្វផ្សាយពីរឿងនេះ ហើយថែមទាំងបានចោទក្តែងៗថាកម្ពុជាលួចចម្លងឈុតថៃទាំងដុល។ លើសពីនេះទៀត ប៉ុស្តិ៍នេះក៏បានចុះទៅសម្ភាសអាជីវករ ក្រុមអ្នកលក់ និង ជួលឈុតថៃក្នុងប្រទេសរបស់ខ្លួន ដើម្បីឱ្យពួកគេជួយចូលដៃចូលជើងធ្វើការចោទប្រកាន់មកលើកម្ពុជាទៀតផង។

ក្នុងនោះ ខាងអាជីវករខាងលើបាននិយាយមកថា ការដែលកម្ពុជាយកឈុតថៃជាឈុតរៀបការប្រចាំជាតិវាមិនត្រឹមត្រូវទេ គឺត្រូវឱ្យក្រេឌីតមកខាងប្រទេសថៃផងថានេះគឺជាឈុតថៃ។ ឈុតថៃ ពាក់នៅទីណា ពាក់នៅក្រៅប្រទេស ក៏គេដឹងថាជាឈុតថៃ បើមកយកថាជាឈុតខ្មែរគឺវាមិនបានទេ។ រីឯអាជីវករផ្សេងទៀត​ ក៏បានសម្តែងការមិនពេញចិត្តមកកាន់កម្ពុជា ដោយបាននិយាយថាឈុតថៃនេះ គឺមានតាំងពីដូនតារបស់ខ្លួនយូរលង់ណាស់មកហើយ មិនបានចម្លងពីប្រទេសណានោះទេ មន្រ្តីពាក់ព័ន្ធគួរតែមកដោះស្រាយ ដើម្បីកុំឱ្យឈុតថៃក្លាយជាឈុតខ្មែរឱ្យសោះ៕

ប្រភព៖ CH8