ទៀតហើយ! អ្នកគាំទ្រសង្ស័យ ថេណា និង នារីម្នាក់មានទំនាក់ទំនងរឿងបេះដូង ក្រោយឃើញភស្តុតាងច្បាស់ៗ

ជាការពិតណាស់ ក្រៅពីរឿងរ៉ាវការងារសិល្បៈហើយនោះ តារាចម្រៀងសំឡេងស្រទន់ លោក ថេណា ក៏ត្រូវបានអ្នកគាំទ្រចាប់អារម្មណ៍ខ្លាំងណាស់ដែរ ពីជីវិតឯកជនរបស់លោក ជាពិសេសពាក់ព័ន្ធនឹងបញ្ហាបេះដូង។

ជាក់ស្តែង កាលពីអំឡុងពាក់កណ្តាលឆ្នាំ ២០២៤ កន្លងទៅ មហាជនអ្នកគាំទ្រ ក៏ដូចជាអ្នកលេងបណ្តាញសង្គមហ្វេសប៊ុក ធ្លាប់បានដាក់ការសង្ស័យម្តងរួចមកហើយ ថាលោក ថេណា មានម្ចាស់ចិត្តរួចហើយ ក្រោយបែកធ្លាយរូបភាពក្នុងការធ្វើដំណើរកម្សាន្តនៅក្រៅប្រទេសជាមួយនារីម្នាក់។

កាលនោះ មូលហេតុផ្ទុះការសង្ស័យ តារាចម្រៀង ថេណា កំពុងមានស្នេហានឹងនារីស្រស់ស្អាតម្នាក់នោះ ក៏ព្រោះតែអ្នកលេងបណ្តាញសង្គម IG បានចាប់បានដំរួយរូបភាពប៉ុន្មានសន្លឹករបស់លោក ថេណា នៅឯក្រៅប្រទេស ដូចនឹងទីតាំងរបស់ស្រីស្អាត ដែលគេសង្ស័យជាគូស្នេហ៍របស់លោកនោះ ដោយរូបភាពត្រូវបានបង្ហោះឡើងនៅថ្ងៃតែមួយ កន្លែងតែមួយ។

យ៉ាងណាមិញ ស្រាប់តែរំលងជិតកន្លះឆ្នាំ ពោលគឺនៅពាក់កណ្តាលខែធ្នូ ឆ្នាំ ២០២៤ នេះ ស្រាប់តែអ្នកគាំទ្របានទៅជីកកកាយរករូបភាពផ្សេងទៀតរបស់លោក ថេណា និង នារីស្រស់សោភាដដែលនោះ បានថតនៅទីតាំងតែមួយច្បាស់ៗតែម្តង ដោយភស្តុតាងទាំងអស់នោះធ្វើឱ្យអ្នកគាំទ្រជាច្រើនយល់ថាពួកគេទាំងពីរច្បាស់ជាមានទំនាក់ទំនងពិសេសនឹងគ្នាមិនខាន៕