ទើបប្រឡូកប៉ុន្មានឆ្នាំ! ជីហ្ស័ង មានទេពកោសល្យខ្លាំង ទទួលបានពានរង្វាន់ផ្នែកសម្ដែងល្អលំដាប់អន្តរជាតិពីអូស្រា្ដលី

និយាយពីស្រីស្អាត ហេង គីមហ្ស័ង ហៅ ជីហ្ស័ង ត្រូវបានគេស្គាល់ និង ចាប់អារម្មណ៍ខ្លាំងតាមរយៈស្នាដៃសម្ដែងជាតួឯកស្រីក្នុងភាពយន្តខ្នាតធំជាបន្តបន្ទាប់ ជាពិសេសគឺរឿង «ហាមបិទភ្នែក», «វិញ្ញាណនិស្សិតពេទ្យ» ដែលទទួលបានការសរសើរខ្លាំងជាមួយទេពកោសល្យដ៏ប៉ិនប្រសប់របស់នាង។

លើសពីនេះ ជីហ្ស័ង ក៏ឆក់បានការចាប់អារម្មណ៍សរសើរពីរូបសម្រស់ស្រស់ស្អាត ដែលតែងបង្ហាញស្ទីលថ្មីៗលើបណ្ដាញសង្គម ទាំងរូបរាង មុនមាត់ទាក់ទាញគួរឱ្យស្រឡាញ់ខ្លាំង។

យ៉ាងណាមិញ បច្ចុប្បន្ន តារាស្រីពន្លកថ្មីរូបនេះ កំពុងមានសន្ទុះប្រជាប្រិយភាពខ្លាំងលើវិស័យសម្ដែងនេះ ដែលឃើញនាងលេចមុខសម្ដែងខ្សែភាពយន្តភាគខ្មែរល្បីៗក្នុងផលិតកម្មក្នុងស្រុកជាច្រើនរឿងផងដែរ។

ជាមួយនឹងសមត្ថភាព និង ទេពកោលស្យដ៏ប៉ិនប្រសប់លើវិស័យសម្ដែង ថ្មីៗកន្លងទៅនេះ តារាស្រីវ័យក្មេង ជីហ្ស័ង បានធ្វើឱ្យអ្នកគាំទ្រសរសើរ និង រំភើបជំនួស ខណៈបានឃើញនាងបង្ហាញពីសមិទ្ធផលក្នុងស្នាដៃសម្ដែងវិស័យភាពយន្តរបស់នាង ដែលនាងទទួលបានពានរង្វាន់ផ្នែកសម្ដែងល្អក្នុងសាច់រឿង «PROMISED» ខណៈ រឿងនេះ ជាប់ក្នុងកម្មវិធីអន្តរជាតិ AFIN – International Film Festival នៅប្រទេសអូស្ត្រាលី៕

សូមចុចទីនេះដើម្បីទស្សនាវីដេអូ៖