អ្នកនិយមតាមដាន មាតិកាបែបកំប្លែងៗ និង ការផ្សព្វផ្សាយនានា ច្បាស់ជាបានស្គាល់មកហើយ កញ្ញា លក្ខិណា យ៉ានុត ដែលជាអ្នកផលិតមាតិកាមានប្រជាប្រិយមួយរូប ដោយភាគច្រើនកញ្ញា គឺជាដៃគូរបស់លោក ភី យ៉ូ។
ក្នុងការផលិតមាតិកានោះដែរ កញ្ញា លក្ខិណា យ៉ានុត ទទួលបានការគាំទ្រយ៉ាងខ្លាំងពីអ្នកទស្សនាក៏ព្រោះតែវោហាស័ព្ទ និង ការប្រើពាក្យកំប្លុកកំប្លែង កាយវិការរបស់នាង ជាដើម។
ងាកមកកាន់ជីវិតឯកជនឯណោះវិញ កញ្ញា លក្ខិណា យ៉ានុត កំពុងតែជួបរឿងភីងៗក្នុងរឿងគូស្នេហ៍ ដោយថ្មីៗនេះ អ្នកផលិតមាតិការូបនេះ បានបង្ហាញវីដេអូខ្លីៗលើ Story កំពុងលឈុតប្រពៃណី ដើម្បីរៀបចំពិធីភ្ជាប់ពាក្យរបស់ខ្លួនជាមួយកូនកំលោះមុខកូនកាត់ចិនម្នាក់។
យ៉ាងណាមិញ ក្រោយពីលឈុតបានប្រមាណជាងមួយសប្តាហ៍ហើយនោះ កាលពីថ្ងៃទី ១៦ ខែមីនា ឆ្នាំ ២០២៥ កន្លងទៅនេះ កញ្ញា លក្ខិណា យ៉ានុត បានដឹកដៃអនាគតស្វាមីភ្ជាប់ពាក្យទៅតាមប្រពៃណីហើយ ដោយមានការចូលរួមពីសំណាក់ក្រុមគ្រួសារ និង មិត្តភក្តស្និទ្ធស្នាលយ៉ាងមានក្តីសុខ។ ក្នុងនោះ អ្នកគាំទ្រ ក៏បានជូនពរដល់កញ្ញា លក្ខិណា យ៉ានុត និង រង់ចាំអ៊ុតមើលថ្ងៃពិសេសរបស់នាង នឹងមកដល់ក្នុងពេលឆាប់ៗខាងមុខនេះដែរ៕
