មហាជននិយមតាមដាន និង ចូលចិត្តទស្សនាមាតិកានានានៅតាមបណ្តាញសង្គមច្បាស់ជាបានស្គាល់ហើយ កញ្ញា គីម រាជ្ជនី ហៅ នួយនួយ ដែលជាអ្នកផលិតមាតិកាមានប្រជាប្រិយភាពមួយរូប។
ក្នុងនោះ អ្នកផលិតមាតិការូបនេះ តែងតែស្វែងរកវីដេអូប្លែកៗ មិនថាបែបកម្សាន្ត អប់រំនោះឡើយ មកបង្ហញជូនដល់មហាជន។ លើសពីនោះ កញ្ញា គីម រាជ្ជនី ហៅ នួយនួយ ក៏ជាម្ចាស់ហាងលក់ផលិតផលសម្រស់ល្បីតាម Tik Tok «ចូកអូន» ទៀតផង។
ដោយឡែក ថ្មីៗនេះ អ្នកលេងបណ្តាញសង្គម Tik Tok ក៏មានការភ្ញាក់ផ្អើលយ៉ាងខ្លាំង ខណៈកញ្ញា គីម រាជ្ជនី បង្ហោះរូបយ៉ាងកម្រជាមួយនឹងលោកប៉ារបស់នាង ដែលជាតារាសម្តែង ពិធីករ និង ផលិតករដ៏ល្បី គឺលោក ម៉ម រស្មី ដែលគេស្គាល់ជាតួអង្គឪពុកក្នុងរឿង «កុមារីអាយុ ២៥ ឆ្នាំ»។
ក្រោយពីឃើញ កញ្ញា គីម រាជ្ជនី បានបង្ហោះរូបភាពនឹង លោក ម៉ម រស្មី ជាលោកប៉ាហើយនោះ ក៏បានធ្វើឱ្យអ្នកគាំទ្រលើកឡើងថា ប៉ាកូនមួយគូនេះមុខស្រដៀងគ្នា រីឯសមត្ថភាពវិញនោះ គឺស្លឹកឈើជ្រុះមិនឆ្ងាយពីគល់មែន ដោយកញ្ញា គីម រាជ្ជនី ពូកែ និង សាងកេរ្តិ៍ឈ្មោះល្បីមិនចាញ់លោកប៉ាសោះ៕
