ផ្កាឈូក គឺជានិមិត្តសញ្ញានៃអំពើល្អ និង ភាពបរិសុទ្ធ និង ជាគ្រឿងសក្ការបូជា ដែលតែងមានវត្តមាននៅក្នុងពិធីបុណ្យប្រពៃណីជាតិ។ រុក្ខជាតិដុះក្នុងភក់តែមានរូបឆោមឆើតឆាយនេះ អាចទាញប្រយោជន៍បានច្រើនយ៉ាងរាប់តាំងពី ក្រអៅ ដើម ស្លឹក ផ្កា រហូតដល់ផ្លែ។ រីឯសម្រស់ផូរផង់របស់វា ក៏រមែងត្រូវបានគេដកស្រង់ យកទៅបញ្ចូលក្នុងគំនិតសិល្បៈផងដែរ។
ជាក់ស្តែង ដូចថ្មីថ្មោងនេះ ម៉ាកគ្រឿងអលង្ការដ៏ល្បីនៅកម្ពុជា CBVS បានដកស្រង់សម្រស់ផ្កាឈូកមកបង្កើតជាគ្រឿងអលង្ការ មានជាឈុត ដូចជាក្រវិល ខ្សែក ចិញ្ចៀន និង តង្កៀបសក់ជាដើម។
មើលតាមរបៀបរចនា ម៉ាកនេះបានប្រើពណ៌មាសជាគោល រួមរំលេចជាមួយត្បូងពេជ្រ។ ម៉ូដខ្លះបែបផ្កាឈូកក្រពុំ ខ្លះផ្កាឈូករីក ឯខ្លះទៀតលាយឡំម៉ូដផ្លែឈូក មើលមកស្រស់ស្អាត ថ្លៃថ្នូរ និង ស៊ីវិល័យបំផុត។ គន់កាន់តែយូរ កាន់តែជាប់ចិត្ត អាចថាម៉ូដទាំងនេះ ពាក់ស័ក្តិសមគ្រប់កម្មវិធីទាំងបែបបុរាណ និង សម័យ ហើយក៏ត្រូវគ្រប់វ័យផងដែរ៕
