ថ្មីៗនេះ ស្របពេលមើលឃើញពីភាពលំបាកនៃប្រជាកសិករកម្ពុជា ដែលកំពុងប្រមូលផលស្រូវ និង លក់ចេញមានតម្លៃទាប ក៏បានឃើញកំពូលតារាចម្រៀងឧកញ៉ា ខេមរៈ សិរីមន្ត បង្ហោះសារប្រកាសជួយទិញស្រូវបងប្អូនកសិករ ដើម្បីចែកជូនដល់បងប្អូនខ្មែរដែលកំពុងខ្វះខាត ដើម្បីជាការចូលរួមចំណែកជួយដល់ប្រជាកសិករផង និង បងប្អូនដែលមានជីវិភាពខ្វះខាតផង។
ក្នុងនោះ ឧកញ៉ា ខេមរៈ សិរីមន្ត បង្ហោះសារលើហ្វេសប៊ុកមុននេះបន្តិចរៀបរាប់ថា ៖ «ជួយគ្នាក្នុងគ្រាលំបាក ខ្ញុំបាទ ខេមរៈ សិរីមន្ត និង ភរិយា សូមប្រកាសទិញស្រូវ 50 តោន ដើម្បីចែកជូនដល់បងប្អូនពូមីង ដែលមានការខ្វះខាតដោយក្តីគោរព និង ស្រលាញ់»។
ក្រោយពីបានឃើញការបង្ហោះរបស់ ឧកញ៉ា ខេមរៈ សិរីមន្ត នេះដែរ មហាជនអ្នកលេងបណ្ដាញសង្គមជាច្រើនបានចែករំលែក និង ភ្ជាប់ជាមួយការមតិសរសើរចំពោះទឹកចិត្តដ៏ល្អប្រពៃរបស់ឧកញ៉ាជាបន្តបន្ទាប់៕
