កាលពីថ្មីៗកន្លងទៅនេះ មហាជនអ្នកគាំទ្រលើបណ្ដាញសង្គម ក៏ដូចជាសិល្បករបានទទួលដំណឹងដ៏សោកស្ដាយ ដែលតារាចម្រៀងលោក បុកល្ហុង មានឈ្មោះពិត ស៊ីថា និង ត្រូវបានគេដាក់រហស្សនាមថា ព្រាប សុវត្ថិ បុកល្ហុង បានទទួលមរណភាពហើយ។
ចំពោះដំណឹងមរណភាពដ៏ក្រៀមក្រំនេះ មហាជនអ្នកគាំទ្រ និង អ្នកសិល្បៈដែលធ្លាប់រួមការងារជាច្រើន បានចែករំលែកភ្ជាប់ជាមួយក្ដីអាណិត និង សោកស្ដាយចំពោះការបាត់បង់សិល្បកររូបផងដែរ។
ពេលនេះ តាមរយៈហ្វេសប៊ុករបស់លោក អ៊ឹម ជីវ៉ា ក៏បានឃើញបង្ហោះពីការចូលរួមរំលែកទុក្ខរបស់សិល្បករនៃមរណភាពរបស់តារាចម្រៀងរូបនេះ ដោយក្នុងនោះក៏បានឃើញឧកញ៉ា ព្រាប សុវត្ថិ បានចូលរួមរំលែកទុក្ខជាមួយគ្រួសារនៃសព និង ជូនថវិកាចំនួន ៥០០ ដុល្លារ តាមរយៈលោក អ៊ឹម ជីវ៉ា ចូលរួមពិធីបុណ្យសពរបស់លោក ព្រាប សុវត្ថិ បុកល្ហុង ផងដែរ៕
