កាលពីរាត្រីថ្ងៃទី ១០ ខែមីនា ឆ្នាំ ២០២៥ កន្លងទៅ អ្នកគាំទ្របវរកញ្ញាកម្ពុជា កញ្ញា ប៊ី សុធារី ហាក់មានការភ្ញាក់ផ្អើល និង រំភើបចិត្តយ៉ាងខ្លាំង ខណៈនាង បានប្រកាសនឹងចូលរួម Miss Cosmo Cambodia 2025។
ក្នុងនោះដែរ កញ្ញា ប៊ី សុធារី បានបង្ហោះសាររៀបរាប់ថា់៖ «ជម្រាបសួរបងប្អូនខ្មែរទាំងអស់គ្នា! ដូចដែលអ្នកទាំងអស់គ្នាបានឃើញនូវរូបភាព និង វីដេអូបែកធ្លាយពីការត្រលប់មកឆាកប្រកួតម្ដងទៀតក្នុងមួយរយៈនេះ ខ្ញុំសូមបញ្ជាក់ថា ខ្ញុំពិតជាបានដាក់ពាក្យប្រកួត Miss Cosmo Cambodia 2025 ប្រាកដមែន។ ពេលនេះខ្ញុំសូមក្ដីស្រលាញ់ ជំនឿចិត្ត ឱកាស ពីបងប្អូនខ្មែរគ្រប់រូបជឿជាក់លើខ្ញុំម្ដងទៀត ដើម្បីឱ្យខ្ញុំបន្តដំណើរទៅមុខ ដោយយកសមត្ថភាពរបស់ខ្ញុំទៅប្រកួតដើម្បីដណ្ដើមយមកុដ Miss Cosmo Cambodia 2025 ក្នុងការតំណាងឱ្យកម្ពុជាទាំងមូលនៅលើឆាក Miss Cosmo International 2025»។
ក្នុងនោះ អ្នកគាំទ្រកញ្ញា ប៊ី សុធារី បានចូលរួមអបអរសាទ និង គាំទ្រយ៉ាងពេញទំហឹងនៃការវិលត្រឡប់មកវិញជាថ្មីរបស់នាង ព្រមទាំងជឿជាក់ថា ប៊ី សុធារី នឹងក្លាយទៅជា Miss Cosmo Cambodia 2025 តំណាងឱ្យកម្ពុជាលើឆាកប្រកួត Miss Cosomo International 2025 ជាក់ជាមិនខាន៕
