នៅលើបណ្តាញសង្គម យុវជន Gechleng Lim ត្រូវបានគេស្គាល់ជា អ្នកបង្កើតមាតិកាវីដេអូដ៏មានប្រជាប្រិភាព ដែលមាតិកាផ្តោតលើការកម្សាន្ត របៀបរស់នៅ និង ការអភិវឌ្ឍន៍ខ្លួនជាដើម។ បច្ចុប្បន្ន លោកកំពុងរស់នៅសហរដ្ឋអាមេរិក និង ទើបបានបញ្ចប់ការសិក្សាពីសាលាអន្តរជាតិដ៏ល្បីផងដែរ។
បើតាមគណនី LinkedIn របស់យុវជន Gechleng Lim កាលរស់នៅកម្ពុជា លោកបានបញ្ចប់ការសិក្សានៅសាលារៀន អន្តរទ្វីប អាមេរិកាំង នៅរាជធានីភ្នំពេញ និង ទទួលបានិទ្ទេស A។ ក្រោយមក នៅឆ្នាំ ២០២៤ លោកបានបញ្ចប់វគ្គសិក្សាខាងវិទ្យាសាស្ត្រកុំព្យូទ័រនៅមហាវិទ្យាល័យ Massachusetts Bay Community College នៅសហរដ្ឋអាមេរិក ដោយទទួលបានពិន្ទុលំដាប់ខ្ពស់ 4.0 និង ថ្មីៗនេះ ខែឧសភា ឆ្នាំ ២០២៥ បានបញ្ចប់ការសិក្សាផ្នែកវិទ្យាសាស្ត្រកំព្យូទ័រ ជាមួយពិន្ទុលំដាប់ខ្ពស់ GPA 4.0 នៅមហាវិទ្យាល័យដ៏ល្បី Middlesex Community College។
តាមរយៈការទទួលសញ្ញាបត្រនៅឆ្នាំ ២០២៥ នេះ យុវជនកូនខ្មែរចំណេះដឹងខ្លាំង មុខមាត់សង្ហារូបនេះ ក៏បានបង្ហោះរូបភាព អមជាមួយពាក្យពេចន៍ដែរថា ៖ ក្នុងរយៈពេលត្រឹមតែមួយឆ្នាំ លោកបានចេញស្វែងរកគោលជំហរ ដើម្បីបង្កើតអ្វីមួយ ដែលលោកមានមោទកភាពបំផុត។ លោកបានធ្វើការងារដល់ទៅ ៣ នៅក្នុងសាលា ដោយដឹកនាំជាប្រធានក្លឹបវិទ្យាសាស្ត្រកុំព្យូទ័រផង និង PTK Honor Society ផង។
ជាមួយដំណើរនេះ លោកត្រូវបានគេស្គាល់ឈ្មោះតាមរយៈសកម្មភាពធំៗ និង ពានរង្វាន់ដូចជា៖
- អ្នកថ្លែងសុន្ទរកថាក្នុងពិធីបញ្ចប់ការសិក្សា ឆ្នាំ ២០២៥ (Commencement Speaker ’25)
- ទទួលពានរង្វាន់ MCC Spirit Award Recipient (MCC Spirit Award Recipient)
- PTK All-Massachusetts Academic Team Honoree
- រង្វាន់អាហារូបករណ៍ NETA Jane Fain Scholarship Recipient
- សមាជិកលេចធ្លោប្រចាំឆ្នាំ Member of the Year – CS Club
- CRLA Certified Tutor
- ពានរង្វាន់ Best Club of the Year Award៕
