នៅថ្ងៃទី ១៥ ខែសីហា ឆ្នាំ ២០២៥ នេះ មានករណីទាហានជួរមុខរបស់ថៃម្នាក់ បានរត់ចោលជួរ ដោយសារតែការស្រ្តេសតប់ប្រមល់ ហើយបានទាញកាំភ្លើងបាញ់រះលើប្រជាជនបណ្តាលឱ្យរបួស ២ នាក់នៅក្នុងខេត្តសុរិន្ទ។
តាមព័ត៌មានបានឱ្យដឹងថា តាំងពីបង្កហេតុរួច ទាហានខាងលើនេះបានរត់គេចខ្លួនបាត់ឈឹង ហើយខាងអាជ្ញាធរបាននាំគ្នាស្វះស្វែងរកតាំងពីយប់រហូតដល់ភ្លឺ។ យ៉ាងណាមិញ សារព័ត៌មាន Khaosod បានទម្លាយឱ្យដឹងថា ពេលនេះសមត្ថកិច្ចបានរកទាហានរូបនេះឃើញហើយ តែគេបានដេកស្លាប់នៅក្នុងព្រៃមួយកន្លែង ដែលមានចម្ងាយពីកន្លែងកើតហេតុ ២០០ ម៉ែត្រ។
ដោយឡែក ខាងអាជ្ញាធរបានឱ្យដឹងទាក់ទងនៃមូលហេតុនៃការស្លាប់របស់ទាហានខាងលើនេះថា ក្រោយពីបានបង្កហេតុហើយ គេក៏រត់ចូលទៅក្នុងព្រៃ រួចបានយកកាំភ្លើងដែលបង្កហេតុ បាញ់សម្លាប់ខ្លួនឯង៕
ប្រភព៖ Khaosod
