នៅវេលាម៉ោង ១២ និង ៤៥ នាទីយប់ ឈានចូលថ្ងៃទី ១៥ ខែសីហា ឆ្នាំ ២០២៥ កន្លងទៅនេះ មានករណីទាហានថៃជួរមុខម្នាក់ បានរត់ចោលជួរ ហើយបានទាញកាំភ្លើងបាញ់រះលើប្រជាជន បណ្តាលឱ្យរបួស ២ នាក់។
តាមព័ត៌មានបានឱ្យដឹងថា ហេតុការណ៍ខាងលើនេះ បានកើតឡើងនៅស្រុក Kab Choeng ខេត្ត Surin ដោយជនបង្កហេតុមានឈ្មោះថា Ratthaphum Thepsiri ជាទាហាននៅក្នុងកងពលថ្មើរជើងលេខ ១៦២៣ បានចេញពីកន្លែងការងារដោយគ្មានការអនុញ្ញាត ព្រមជាមួយនឹងកាំភ្លើងមួយដើមប្រភេទ M16 ហើយបានធ្វើការបាញ់រះទៅលើប្រជាជនចំនួន ១២ គ្រាប់ បណ្តាលឱ្យមានមនុស្ស ២ នាក់បានរងរបួស។
យ៉ាងណាមិញ ប្រជាជនរងរបួសទាំង ២ នាក់ ត្រូវបានគេបញ្ជូនទៅសង្រ្គោះភ្លាមៗ ក្នុងនោះមានម្នាក់របួសស្រាល និង ម្នាក់របួសធ្ងន់។ ដោយឡែក ក្រោយពីបង្កហតុ ជនដៃដល់បានរត់គេចខ្លួនបាត់ ហើយនៅពេលនេះអាជ្ញាធរកំពុងតែស្វះស្វែងតាមចាប់ខ្លួន៕
ប្រភព៖ PPTVHD36
