ទាហានថៃដែលដើរជាន់មីនដា-ច់ជើងទាំង ៦ នាក់ អរខ្លាំង ក្រោយព្រះមហាក្សត្រប្រទានជើងសិប្បនិម្មិតម្នាក់ ១ ចំហៀង ជាការលើកទឹកចិត្ត

នៅក្នុងរយៈពេលនៃជម្លោះព្រំដែនកម្ពុជា-ថៃនេះ ភាគីថៃបានចោទប្រកាន់កម្ពុជាថាបានលួចបង្កប់មីននៅតំបន់ព្រំដែន ដែលបណ្តាលឱ្យទាហានរបស់ខ្លួនដើរជាន់របួសដាច់ជើងអស់ ៦ នាក់ទៅហើយ។

មកទល់ពេលនេះ ភាគីថៃនៅតែមិនបញ្ឈប់ការចោទប្រកាន់នេះមកលើកម្ពុជានៅឡើយ ដោយបានប្រកាន់ដដែលៗ ទាំងដែលកម្ពុជាបានបកស្រាយទៅហើយថាមីនដែលពួកគេដើរជាន់នោះ គឺជាមីនដែលសល់តាំងពីសម័យសង្រ្គាមមកម្ល៉េះ។ ចុងក្រោយនេះ កាលពីថ្ងៃទី ២៧ ខែសីហា ឆ្នាំ ២០២៥ កន្លងទៅ មានទាហានថៃសរុប ៦ នាក់ហើយ ដែលបានដើរជាន់មីនដាច់ជើងជាថ្មី នៅតំបន់ភ្នំ ៣៥០ នៅជិតប្រាសាទតាក្របី។

យ៉ាងណាមិញ ទាហានដែលរបួសដាច់ជើងទាំង ៦ នាក់ ត្រូវបានគេយកចិត្តទុកដាក់ព្យាបាលយ៉ាងពិសេស ហើយលើសពីនេះទៀតនោះ ទាហានទាំងអស់ត្រូវបានព្រះមហាក្សត្រថៃប្រទានជើងសប្បនិម្មិតម្នាក់ ១ ចំហៀង ដែលធ្វើឱ្យទាហានទាំងអស់សប្បាយចិត្តជាខ្លាំង។ ជាក់ស្តែង ទាហានទី ៦ ដែលបានជាន់មីនចុងក្រោយគេនេះ គឺកំពុងតែត្រូវគេបញ្ជូនទៅមន្ទីរពេទ្យព្រះមង្គុតក្លៅដើម្បីទទួលជើងសិប្បនិម្មិតពីព្រះមហាក្សត្រ ក្រោយពីសម្រាកព្យាបាលប្រមាណជាង ១០ ថ្ងៃ៕

ប្រភព៖ Khaosod