នៅរសៀលថ្ងៃទី ១៥ ខែសីហា ឆ្នាំ ២០២៥ នេះ កម្លាំងស្នងការដ្ឋាននគរបាលខេត្តកណ្ដាល បានបញ្ជូនអ្នកលក់ឡេដ៏ល្បីឈ្មោះ ហៅ Love Riya និងមានងារជាឧកញ៉ាឈ្មោះ ឆេង ស្រីរ័ត្ន ទៅកាន់សាលាដំបូងខេត្តកណ្ដាល បន្ទាប់ពីបញ្ចប់ការសួរនាំនៅនាយកដ្ឋាននគរបាល។ នេះបើតាមការឱ្យដឹងពីសារព័ត៌មានក្នុងស្រុកនៅថ្ងៃទី ១៥ ខែសីហា ឆ្នាំ ២០២៥ នេះ។
ការបញ្ជូនទៅកាន់តុលាការនេះដែរ ធ្វើឡើងបន្ទាប់ពី នៅព្រឹកថ្ងៃទី ១៤ ខែសីហា ឆ្នាំ ២០២៥ អ្នកនាង Love Riya ត្រូវបានកម្លាំងនគរបាលចាប់ខ្លួន ក្រោមការសម្របសម្រួលពីតំណាងអយ្យការអមសាលាដំបូងខេត្ត និង លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល ខណៈការឈានដល់ការចាប់ខ្លួននេះ ធ្វើឡើងបន្ទាប់ពីអ្នកលក់ឡេល្បីឈ្មោះរូបនេះ ប្រើប្រាស់ពាក្យសម្ដីនៅលើបណ្ដាញសង្គមដែលមានលក្ខណៈញុះញង់៕
ប្រភព ៖ Fresh News
