នៅថ្ងៃទី ១៥ ខែកក្កដា ឆ្នាំ ២០២៥ នេះ មេទ័ពភូមិភាគ ២ Boonsin Padklang បានឱ្យដឹងទាក់ទងនឹងការសាងសង់របងនៅប្រាសាទតាមាន់ធំ ដោយទម្លាយថាបើសិនថៃសង់របងនោះ អាចនឹងមានរឿងកើតឡើង ប៉ុន្តែបើរដ្ឋាភិបាលបញ្ជា យ៉ាងណាក៏ត្រូវតែសង់។
Boonsin Padklang បានឱ្យដឹងថា កម្ពុជានៅមិនទាន់ស្គាល់រឿងព្រំដែននៅឡើយទេ បើសិនជាថៃសាងសង់របង នោះអាចនឹងមានការប៉ះទង្គិចគ្នា ប៉ុន្តែបើរដ្ឋាភិបាលបញ្ជាឱ្យសង់ យ៉ាងណាក៏ដោយក៏ត្រូវតែសាងសង់ តែក៏ត្រូវពិចារណាឱ្យបានហ្មត់ចត់។ ខាងកងទ័ពទាហានភូមិភាគ ២ បានត្រៀមខ្លួនរួចរាល់ហើយសម្រាប់ការសាងសង់ រួមទាំងនាយកដ្ឋានវិចិត្រសិល្បៈផងដែរ។ បើសិនជាច្បាស់ថាសាងសង់ កងទ័ពនឹងដំណើរការភ្លាម ដោយយកតាមផែនទី 1:50,000 ដែលថៃកំពុងប្រើសព្វថ្ងៃ។
Boonsin Padklang បន្តទៀតថា ដូច្នេះហើយបើទោះជា Google Maps ដាក់ប្រាសាទតាមាន់ធំនៅទីណាក៏វាមិនប៉ះពាល់អ្វីដែរ វាគ្រាន់តែជាបញ្ហាបច្ចេកទេសដែលរដ្ឋាភិបាលត្រូវដោះស្រាយ។ ចំណុចទាំងនេះនរណាក៏កែបាន ដូចនេះហើយវាមិនមែនជាបញ្ហាអ្វីនោះទេ៕
ប្រភព៖ Matichon
