នៅថ្ងៃទី ៣០ ចុងបញ្ចប់នៃខែមិថុនា ឆ្នាំ ២០២៥ នេះ មានករណីអគ្គិភ័យមួយបានកើតឡើងនៅរោងចក្រក្រដាសជូតមាត់មួយកន្លែងនៅប្រទេសថៃ បង្កឱ្យមានការខូចខាតយ៉ាងដំណំ ហើយថែមទាំងបណ្ដាលឱ្យបាត់បង់ជីវិតកម្មករជាច្រើននាក់ទៀត។
តាមតាមរយៈផេក Fire and Rescue Thailand បានឱ្យដឹងថា នៅរសៀលថ្ងៃទី ៣០ ខែមិថុនា ឆ្នាំ ២០២៥ ហេតុការណ៍អគ្គិភ័យមួយបានកើតឡើងនៅរោងចក្រផលិតក្រដាសជូតមាត់មួយកន្លែង ស្ថិតនៅក្នុងឃុំ Bualoy ស្រុក Nong Khae ខេត្ត Saraburi ហើយខណៈភ្លើងកំពុងតែឆាបឆេះនៅក្នុងរោងចក្រនៅឡើយ ចំណែកឯអាជ្ញាធរកំពុងតែស្វះស្វែងអន្តរាគមន៍ពន្លត់ភ្លើង។
យ៉ាងណាមិញ ព័ត៌មានជាបឋម មានមនុស្សបាត់ខ្លួនចំនួន ១០ នាក់ ដោយមិនដឹងថានៅរស់ ឬ ស្លាប់ ដែលខាងអាជ្ញាធរកំពុងតែព្យាយាមតាមរក និង ជួយសង្រ្គោះ៕
ប្រភព៖ Fire and Rescue Thailand
