នៅថ្ងៃទី ១៣ ខែសីហា ឆ្នាំ ២០២៥ អ្នកនាំពាក្យរាជរដ្ឋាភិបាលកម្ពុជា បានរៀបចំសង្ខេបព័ត៌មានស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» គិតត្រឹមម៉ោង ០៤ រសៀល ថ្ងៃទី ១៣ ខែសីហា ឆ្នាំ ២០២៥។
តាមរយៈសេចក្ដីសង្ខេបព័ត៌មាន អ្នកនាំពាក្យក្រសួងការពារជាតិ បានបញ្ជាក់ឱ្យបានដឹងថា នៅថ្ងៃទី ១២ និង នៅថ្ងៃទី ១៣ ខែសីហា ឆ្នាំ ២០២៥ នេះ កងកម្លាំងប៉ារ៉ាថៃ និង តម្រួតព្រំដែនថៃ បានប្រដាប់ដោយអាវុធធ្វើសកម្មភាពចូលមកត្រួតពិនិត្យនៅទល់មុខច្រកជោគជ័យ ដែលបានរាយលួសបន្លា ព្រមទាំងដាក់កង់ឡាននៅភូមជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ នៅក្នុងទិសទី ១ យោធភូមិភាគទី ៥។
អ្នកនាំពាក្យបានបន្តឱ្យដឹងទៀតថា កម្ពុជាទាមទារឱ្យភាគីថៃ បញ្ឈប់ជាបន្ទាន់នូវសកម្មភាពដែលរំលោភបំពាន ជាពិសេសត្រង់ចំណុចទី ២ និង ចំណុចទី ៤ នៃកិច្ចព្រមព្រៀង៕
