នៅថ្ងៃទី ២៥ ខែកក្កដា ឆ្នាំ ២០២៥ នេះ ឯកឧត្តម ម៉េត មាសភក្តី អភិបាលរង និង ជាអ្នកនាំពាក្យរដ្ឋបាលខេត្តឧត្តរមានជ័យ បានបញ្ជាក់ឱ្យបានដឹងថា ដោយសារចោរឈ្លានពានល្មោភសង្គ្រាម ឃ្លានទឹកដីគេ សាលារៀនទាំងអស់ ២៦០ ទីតាំង ក្នុងខេត្តឧត្តរមានជ័យ ត្រូវបានផ្អាកទាំងស្រុង។
ដោយឡែក នៅព្រឹកដដែលអ្នកនាំពាក្យរូបនេះ បានបញ្ជាក់ឱ្យដឹងថា គិតត្រឹមពេលថ្ងៃត្រង់ថ្ងៃទី ២៥ ខែកក្កដានេះ នៅទីទួលសុវត្ថិភាពទាំងអស់ក្នុងខេត្តឧត្តរមានជ័យ មានជនភៀសសឹកសរុបចំនួន
៣៤៣៦ គ្រួសារ។
សូមរំឭកផងដែរថា ដោយសារបញ្ហាឈ្លានពានពីខាងភាគីថៃ បានបណ្ដាលឱ្យប្រជាពលរដ្ឋជាជនស៊ីវិលស្លូតត្រង់ម្នាក់បានរងគ្រោះថ្នាក់ដល់អាយុជីវិត និង ៥ នាក់ទៀតរងរបួស៕
