កាលពីថ្ងៃទី ១០ ខែវិច្ឆិកា ឆ្នាំ ២០២៥ កន្លងទៅនេះ ក្រោយពីមានទាហានថៃពីរនាក់ បានដើរជាន់មីនរបួសម្តងទៀត លោក Anutin នាយករដ្ឋមន្រ្តីថៃ ក៏បានឆ្លើយតប ដោយបញ្ជាឱ្យផ្អាកកិច្ចព្រមព្រៀងសន្តិភាពរវាងកម្ពុជា ថៃភ្លាមៗ និងបញ្ឈប់ការដោះលែងទាហានខ្មែរទាំង ១៨ នាក់ទៀតផង។
លោក Anutin បានឱ្យដឹងថា លោកនឹងគាំទ្ររាល់សកម្មភាពរបស់មេទ័ព និងកងទ័ពទាំងអស់ ដោយមិនមានការសម្របសម្រួលជាមួយនឹងកម្ពុជាទៀតឡើយ។
ក្នុងនោះ មិនយូរប៉ុន្មាន ខាងកងទ័ពជើងអាកាសរបស់ថៃ ក៏បានបង្ហោះនៅលើបណ្តាញសង្គមហ្វេសប៊ុកផ្លូវការរបស់ខ្លួនថា កងទ័ពជើងអាកាសក៏បានបញ្ឈប់អនុវត្តកិច្ចព្រមព្រៀងទាំងអស់រវាងប្រទេសថៃ និងកម្ពុជាដែរ ហើយថែមទាំងការប្តេជ្ញាចិត្តក្នុងការអនុវត្តកាតព្វកិច្ចរបស់ខ្លួនដោយកិត្តិយស សេចក្តីថ្លៃថ្នូរ និងផលប្រយោជន៍ជាតិជាចម្បង៕
ប្រភព៖ Khaosod
