ធ្មេចបើកៗ រយៈពេលជាង ៥ ខែហើយ ដែលពិធីការិនីជួរមុខ អ្នកនាង ហ៊ិន ច័ន្ទនិរ័ត្ន ពពោះទាយាទដំបូងក្នុងផ្ទៃ ក្រោយសាងចំណងអាពាហ៍ពិពាហ៍អស់រយៈពេលជាង ១ ឆ្នាំ។
ក្នុងនោះ បើទោះជាកំពុងមានផ្ទៃពោះក្តី តែអ្នកម៉ាក់សម័យថ្មីរូបនេះ នៅតែមានកម្លាំងរឹងមាំបន្តអាជីពជាពិធិការិនីដូចដើម។ រីឯសម្រស់វិញនោះ ក៏កាន់តែស្រស់ស្អាតពីមួយថ្ងៃទៅមួយថ្ងៃ ដូចមិនប្រែប្រួលសម្រស់អំឡុងពេលចាញ់គក៌នោះឡើយ។
យ៉ាងណាមិញ ថ្មីៗនេះ អ្នកនាង ហ៊ិន ច័ន្ទនិរ័ត្ន បានបង្ហាញរូបភាពជាច្រើនសន្លឹកក្នុងឈុតព្រះនាង ព្រិលស ធ្វើឱ្យអ្នកគាំទ្រលាន់មាត់ថា ពិតជាស្រស់ស្អាតខ្លាំង ដូចទៅនឹងគំនូរជីវចលរឿង ព្រះនាង ព្រិលស អ៊ីចឹង។ ជាងនេះទៅទៀត អ្វីដែលកាន់តែធ្វើឱ្យរូបសម្រស់ និង រូបភាពគ្រងឈុត ព្រះនាង ព្រិលស របស់អ្នកនាង ហ៊ិន ច័ន្ទនិរ័ត្ន កាន់តែលេចធ្លោទៀតនោះ គឺអ្នកនាងបានផ្តិតរូបភាពនៅខាងមុខព្រះបរមរាជវាំង និង វិមានឯករាជ្យ ដែលនេះក៏ជាផ្នែកមួយក្នុងការជួយផ្សព្វផ្សាយកម្ពុជាទៅកាន់ពិភពលោក៕
