ថ្មីៗនេះ ទន្លេមួយនៅខេត្តឈៀងម៉ៃ ប្រទេសថៃ បានកើតបញ្ហាឡើងសារធាតុពុលយ៉ាងធ្ងន់ធ្ងរ ដែលសូម្បីតែត្រីក្នុងទន្លេនោះក៏កើតពងបែក និង ដំបៅពេញខ្លួន ដែលបង្កឱ្យប្រជាពលរដ្ឋមានការបារម្ភជាខ្លាំង។
តាមព័ត៌មានបានឱ្យដឹងថា ទន្លេខាងលើនេះមានឈ្មោះថាទន្លេកុក ប្រភពចេញពីប្រទេសមីយ៉ាន់ម៉ា ត្រូវអ្នកស្រុកនាំគ្នាត្អូញត្អែរថាហាក់ដូចជាមានសារធាតុពុលអ្វីម្យ៉ាង ព្រោះតែទឹកមើលទៅមានសភាពស្អុយ ចំណែកឯត្រីច្រើនប្រភេទក្នុងនោះក៏មានពងបែក និង ដំបៅពេញខ្លួន។ កត្តានេះបានធ្វើឱ្យអ្នកស្រុកមានការពិបាកក្នុងការប្រកបអាជីពនេសាទ និង កន្លែងទេសចរណ៍ក៏បាត់អ្នកមកទស្សនា ដែលធ្វើឱ្យចំណូលមានការធ្លាក់ចុះយ៉ាងខ្លាំង។
ក្នុងនោះខាងអាជ្ញាធរបានចុះទៅយកសំណាកពីក្នុងទឹកទន្លេកុកមកពិនិត្យក៏ឃើញថា មាន ៣ ចំណុចក្នុងទន្លេកុក មានកម្រិតអាសេនិច ០,០២៦ មីលីក្រាមក្នុងមួយលីត្រ ដែលលើសពីកម្រិតស្តង់ដារ ០,១ មីលីក្រាមក្នុងមួយលីត្រ ហើយកម្រិតសំណមាន ០.០៧៦ មីលីក្រាមក្នុងមួយលីត្រ ដែលលើសពីស្តង់ដារ ០.០៥ មីលីក្រាមក្នុងមួយលីត្រដូចគ្នា។ ចំណែកត្រីដែលមានជំងឺ ក៏នឹងត្រូវគេយកទៅពិនិត្យនៅនាយកដ្ឋានជលផងដែរ។
យ៉ាងណាមិញ ចំពោះមូលហេតុនៃការបំពុលនេះ ត្រូវបានគេសន្និដ្ឋានថាអាចបណ្តាលមកពីការជីកយករ៉ែមាសរបស់ក្រុមហ៊ុនចិននៅឯប្រទេសមីយ៉ាន់ម៉ា តែក៏ដោយមិនទាន់មានការបញ្ជាក់ច្បាស់នៅឡើយទេ៕
ប្រភព៖ Spring
