ធ្មេចបើកៗរយៈពេល ៦ ឆ្នាំ ហើយ ដែលអតីតតារាស្រីស្រស់សោភា លីឈី បានចាប់ដៃគ្នាចូលរោងការនឹងអតីតអ្នកដឹកនាំល្បីប្រចាំផលិតកម្មថោន ដោយសព្វថ្ងៃមានងារជាឧកញ៉ា គឺឧកញ៉ា ប៊ុន រតនា បើគិតចាប់តាំងពីថ្ងៃទី ០៥ ខែឧសភា ឆ្នាំ ២០១៩ កន្លងទៅ។
ក្រោយពីសាងចំណងអាពាហ៍ពិពាហ៍ហើយនោះ មកដល់ពេលនេះលោកជំទាវ លីឈី និង ឧកញ៉ា ប៊ុន រតនា ក៏ទទួលបានចំណងដៃកូនស្រីច្បងអាយុ ៥ ឆ្នាំ និង កូនប្រុសទីពីរ អាយុ ៣ ឆ្នាំ ព្រមទាំងកំពុងពពោះកូនទី ៣ ក្នុងផ្ទៃផងដែរ។
ដោយឡែក កាលពីថ្ងៃខួបអាពាហ៍ពិពាហ៍គម្រប់ ៦ ឆ្នាំ អ្នកគាំទ្រជំទាវ លីឈី បានបង្ហាញអារម្មណ៍រំភើប និង លួចច្រណែនដល់វាសនារបស់អតីតតារាស្រីរូបនេះ ដោយមានស្វាមីល្អ ឱ្យតម្លៃ មើលថែ ស្រឡាញ់ យកចិត្តទុកដាក់មិនប្រែ។ លើសពីនោះ អ្នកគាំទ្រសង្កេតឃើញថា រាល់ពេលមានកម្មវិធីសំខាន់ម្តងៗ មិនថាតែ ខួបកំណើត ថ្ងៃខួបអាពាហ៍ពិពាហ៍នោះឡើយ ជំទាវ លីឈី តែងតែទទួលបានកាដូ និង ការរៀបចំពិធីយ៉ាងពិសេសពីស្វាមីជូនជានិច្ច៕
