កាលពីថ្ងៃទី ៩ ខែកញ្ញា ឆ្នាំ ២០២៥ កន្លងទៅនេះ នៅខេត្តឈៀងម៉ៃ ប្រទេសថៃ មានករណីដ៏រន្ធត់មួយ ដែលមានឡានមួយគ្រឿងបានបើកបុកបង្គោលមួយទំហឹង បណ្តាលឱ្យរលំតគ្នាអស់ចំនួន ៥២ ដើម ហើយសង្កត់ផ្ទះប្រជាជនខូចខាតអស់ជាង ២០ ខ្នង។
តាមព័ត៌មានបានឱ្យដឹងថា ហេតុការណ៍ខាងលើនេះ បានកើតឡើងនៅផ្លូវណងហូ ឃុំឆាងភឿក ស្រុកមឿងឈៀងម៉ៃ ខេត្តឈៀងម៉ៃ ដោយឡានខាងលើជាឡានមួយបាំងកន្លះ បានបើកបរក្នុងល្បឿនលឿនខ្លាំង ហើយបានជ្រុលទៅបុកបង្គោលភ្លើងមួយនៅតាមផ្លូវមួយទំហឹង បណ្តាលឱ្យរលំបន្តបន្ទាប់គ្នាអស់ចំនួន ៥២ ដើម្បី ហើយសង្កត់ឡានអ្នកដំណើរនៅតាមផ្លូវ និងផ្ទះប្រជាជនខូចខាតអស់ចំនួន ២០ ខ្នង ព្រមទាំងបង្កជាដាច់អគ្គិសនីស្ទើរតែទូទាំងស្រុក។
ក្នុងនោះ តាមព័ត៌មានបានឱ្យដឹងថា អ្នកបើកបរដែលជាបុរសមានវ័យប្រមាណ ៣០ ឆ្នាំបានរងរបួសធ្ងន់ និងត្រូវបានគេបញ្ជូនទៅសង្រ្គោះនៅឯមន្ទីរពេទ្យ រីឯបុរសជាអ្នកដំណើរវ័យ ២៧ បានស្លាប់បាត់បង់ជីវិត។ ដោយឡែក អាជ្ញាធរកំពុងតែចុះវាស់វែងការខូចខាត និងដំណើរក្តីទៅតាមផ្លូវច្បាប់៕
សូមចុចទីនេះដើម្បីទស្សនាវីដេអូ៖
