ថ្ងៃនេះសែនព្រះខែហើយ! មកដឹងពីរបៀបសែនយកងូវហេង ម៉ោងពេលល្អដើម្បីអុជធូប តែសម្រាប់អ្នកឆ្នាំខាល និង ឆ្នាំ ៣ នេះ ត្រូវមើលមែនទែនមុនអុចធូប

នាពេលថ្មីៗនេះ តាមរយៈផេក ហុងស៊ុយ របស់លោកគ្រូចិនសែម៉ុង ដែលគេស្គាល់ថាជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាព បានចែករំលែកពីរបៀបសែនព្រះខែងាយៗ ម៉ោងពេលសែនល្អ ក៏ដូចជារបៀបអុជធូបយកហេងជាដើម ក្នុងថ្ងៃសែនព្រះខែ ដែលត្រូវនឹងថ្ងៃទី ០៦ ខែតុលា ឆ្នាំ ២០២៥ នេះ។

តាមរយៈលោកគ្រូ ចិនសែម៉ុង បានបញ្ជាក់ពីម៉ោងសែនល្អ ថ្ងៃទី ០៦ ខែតុលា ឆ្នាំ ២០២៥ ម៉ោងសែនចន្លោះម៉ោង ១៩:០០ ដល់ម៉ោង ២០:៥៩ យប់ មិនប្រកាន់ទិស ម៉ោងល្អជាងគេសម្រាប់ដោតធូប គឺម៉ោង ០៨៖១៦ នាទីយប់។ ចំពោះរបៀបសែនពេលយប់ មានដូចតទៅ ៖

១. ផ្កាឈូក ៨ ដើម ចំនួន ១ ថូ ឬ ២ ថូ ចាំបាច់
២. ត្រាវស្ងោរ ១ ចាន + ស្ករស ១ ចានតូច
៣. អំពៅកាត់ជាកង់ៗ ប្រវែងមួយចំអាម មនុស្សធំ
៤. គ្រឿងបួស (មានពពុះសណ្ដែកក្រៀម, ជីឆាយ ១ បន្ទះ, ផ្សិតខ្មៅក្រៀម, មីសួរ) ចាំបាច់
៥. នំកោរ ព្រះម៉ែ ឬនំកោរសែនព្រះខែ ១ នំ (ដាក់តែមួយមុខទេ) ទំហំតាមលទ្ធភាព ចាំបាច់
៦. ក្រូចថ្លុង ១ គូ + ម្ចាស់ ១ គូ
៧. ទឹកមួយផ្តិល ដាក់ផ្កាម្លិះ ឬផ្កាឈូក៥ផ្កា (ទុកលុបមុខពេលដុតក្រដាសរួច) ចាំបាច់
៨. តែក្តៅ ៣ កែវ ចាំបាច់
៩. អុចធូប ម្នាក់ ២ សសៃរ ចាំបាច់
១០. ផ្លែឈើ ៣ មុខ (ប៉ោមក្រហម ទទឹម ផ្លែទម្លាប់) ឬច្រើនជាងនេះ ចាំបាច់
១១. ក្រដាសសែន ព្រះខែ ស្នើសុំសុខសប្បាយ ១ ឈុត ចាំបាច់
១២. ដាក់គ្រឿងសំអាង មានដូចជាកូនកន្សែងពោះគោ ១ ម្សៅផាត់មុខមួយ ក្រេបលាបមាត់មួយ កញ្ចក់តូចមួយ ទឹកអប់ ១ ដប (ការដាក់គ្រឿងសំអាងបែបនេះ គឺដើម្បីយកមកប្រើប្រាស់លើខ្លួនអ្នកសែន សែន ចាំបាច់។

ដោយឡែក ចំពោះរបៀបអុចធូបយកហេង គឺសម្រាប់ផ្ទះដែលមានអ្នកកើតឆ្នាំខាល មិនថាជាមនុស្សចាស់ ឬ ជាកូនក្មេងនោះទេ អ្នកឆ្នាំខាល ត្រូវអុចធូបក្រោយគេបង្អស់។ សម្រាប់ផ្ទះដែលមានអ្នកកើតឆ្នាំ ម្សាញ់ ជូត រោង ដែលមានអាយុលើសពី ១៥ ឆ្នាំ អាចឱ្យពួកគាត់អុចធូបមុនគេ តែក្នុងករណីអ្នកកើតឆ្នាំទាំង ៣ មានអាយុក្រោម ១៥ ឆ្នាំ មិនអាចអុជធូបមុនគេនោះទេ ដូចនេះត្រូវអនុវត្តក្បួនចាស់ គឺមេគ្រួសារអុចធូបមុនគេ ដេញតាមឋានៈក្នុងគ្រួសារចុះក្រោមបន្តបន្ទាប់។ សម្រាប់ផ្ទះដែលមិនមានឆ្នាំដូចរៀបរាប់ខាងលើ គឺមេគ្រួសារអុចធូបមុនគេ ដេញតាមឋានៈក្នុងគ្រួសារចុះក្រោម បន្តបន្ទាប់ ខណៈរបៀបអុចធូបនេះ ធ្វើបានតែការសែនពេលយប់ (សែនព្រះច័ន្ទពេលយប់តែប៉ុណ្ណោះ)៕

យ៉ាងណាមិញ សម្រាប់ជំនឿបន្ថែម នៃថ្ងៃសែននំព្រះខែ អាចមើលលម្អិតនៅខាងក្រោម ៖