នៅថ្ងៃទី ១៥ ខែមីនា ឆ្នាំ ២០២៥ នេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រតារាចម្រៀងរ៉េប លោក NPN បានចូលរួមអបអរសាទរ និង ជូនពរលោកជាបន្តបន្ទាប់ ក៏ព្រោះថ្ងៃនេះ ជាថ្ងៃខួបកំណើតរបស់លោក។
យ៉ាងណាមិញ ទន្ទឹមនឹងការជូនពរយ៉ាងរីករាយនោះ អ្នកគាំទ្រ ក៏បានបង្ហាញអារម្មណ៍សោកសៅបន្តិចដែរ ក្រោយបានឃើញ លោក NPN បង្ហោះសារពីតារាចម្រៀងរ៉េប RuthKo ជាមិត្តសម្លាញ់ ដែលបានលាចាកលោកទៅគ្មានថ្ងៃត្រឡប់។
ក្នុងនោះ លោក NPN បានបង្ហោះសារមួយឃ្លាថា បានយល់សប្តិឃើញលោក RuthKo មកកម្មវិធីជប់លៀងថ្ងៃកំណើតរបស់លោក ដោយរៀបរាប់ថា៖ «អរគុណដល់សុបិន ដែលធ្វើឱ្យខ្ញុំបានជួប Nh Ot Dg Del (RuthKo) ក្នុងយល់សប្តិយប់មិញ! ពួកយើង Party សប្បាយណាស់»។
លើសពីនោះ អ្វីដែលកាន់តែធ្វើឱ្យមហាជនក្តុកក្តួល និង យល់អារម្មណ៍របស់លោក NPN ដែលនឹកដល់មិត្តភក្តិ ប៉ុន្តែគ្មានឱកាសនឹងបានជួបគ្នាជាថ្មី ខណៈលោកបានបញ្ចេញមតិបន្ថែមលើសារខាងលើថា៖ «ដឹងស្អីចូលភ្នែកទេ ហូរទឹកភ្នែករហូត»៕
